Enero 16-31, 2013

Maraming salamat po sa mga nagpahatid ng pagbati sa pitak na ito at sa patuloy na sumusuporta sa Pilipino Express.

Recycle na lang ang nabalitang utang ng PCCM. May mga nagmamalasakit ngunit higit na marami ang walang paki-alam. Walang iniwan sa cancer ang kalagayan. Ang city ay nangangailangan ngayon ng mapagkukunan ng pondo. Namumuro ang PCCM na malamang ay masakripisyo.

Ang mga Pinoy dito ay nakakaranas din kaya ng hate campaign, tulad ng nabalitang hate mail vs. Pinoys sa Northern California?

Feedback

“Kaka, hindi mo po ba napapansin? Ang mga taong turing na marangal kung kailan malamig na bangkay saka pinararangalan?”

Hindi ka nag-iisa. Marahil ang motibo ay para pamarisan.

“Tay, sabi mo po may na-nominate ng Honorary Consul dito. Mahigit two months na, wala pa. Pati ang binalita sa CKJS na outreach services dito by December, hindi rin nangyari.”

Kabayan, binalita ko lang, batay sa mga natanggap na sulat ni Fred De Villa, chairman ng WFBC. Padala ng DFA sa Maynila, Ambassador Gatan at ConGen sa Toronto. Ang na-nominate ay walang katiyakan. May mga requirement pang dapat matugunan. Pero tama ka. Nakakainip ang serbisyong lakad-pagong.

Pilipinas

Ang iringan ng Beijing at Maynila sa West Philippine Sea ay patuloy ngayong 2013. Armado ang land-grabbers kaya nakakapaghari-harian.

Maasim pa sa sukang-paombong ang panawagang unity ng mga nasa Palasyo. Sila mismo ang pinagmulan. Ano ‘yan, matapos saktan, aamuin? Nahan ang lohika?

Kung buhay si Tita Cory, sang-ayunan kaya niya ang ginawang pag-insulto sa mga alagad ng Simbahang Katoliko ng kaniyang poboritong anak? Hindi kaya niya damdamin ang sinasabi ng mga ibang alipores ni Noynoy? “Mahina…” Wala daw solid vote na hatak ang mga alagad ng simbahan? Abangan.

Nabuhusan ng malamig na tubig ang mainit na balita na gaganda sa taong ito ang ekonomiya ng bansa. Bagsak ang satisfaction ratings ni P-Noy sa lahat ng larangan. Panlipunan, pangkabuhayan at gender, ayon sa survey ng SWS. Hindi robot si Noynoy. Tiyak na kaniyang dinaramdam ang nangyaring senyas ng law of diminishing return.

Sabi ni Lady Gaga sa Maynila, “very good pa rin ang plus 55 per cent popularity ni Noynoy.” Naku, epekto lang daw ‘yon ng mga bayarang mamamahayag at kumentarista sa radio-TV, ayon sa mga kritiko.

Huwag akalain ng mga nasa Palasyo na ang mga Pinoy ay bobo. Lumabas sila sa malamig na silid, sasakyan din ang mga kotseng air-conditioned. Magtungo kahit sa labas lang ng Metro Manila at kumustahin ang mga tao. Simple lang ang itanong. Gumanda ba ang buhay ninyo sa nakaraang dalawang taon? Malalaman nila, kung ang buhay nga ng mga tao ay umasenso.

Muling nangangako si P-Noy. Job creations and “to end corruption.” Sana, matupad. Kung magkakaroon ng mapapasukang trabaho ang Pinoy, marahil hindi na maghahangad magtawid dagat na ang higit na natutulungan ay ekonomiya ng ibang bansa.

Tungkol sa graft and corruption, iba ang senaryo. Hangga’t may pork barrel na ugat ng katiwalian, hindi magkaroon ng ending. Ang bisa ay mismong ginamit ni Noynoy. Si ex-CJ Renato Corona ay natanggalan ng korona dahil sa mantika ng karneng baboy.

Minadali ni P-Noy ang pagpapatalsik kay ex-CJ Corona sa alegasyong tauhan ni Gloria. Nakausad ba sa korte ang mga sinampang kaso vs. Mrs. Arroyo? Ang judiciary ay hindi basta-basta magiging rubber stamp ng executive like the legislative kahit nahalinhan ang Chief Justice. Walang pork barrel ang mga mahistrado ng Supreme Court.

Nakakalungkot kung itutuloy ang plano ng gobyernong Aquino na isa-pribado ang public hospitals. May 20 ang bilang ng mga pampublikong pagamutan sa buong bansa. Mawawalan ng public wards ang mga mahihirap na boss ni Noynoy. Baluktot na baga ang tuwid na daan?

Hinog na ang panahon. Dapat nang kumalas si VP Binay sa gabinete ni P-Noy. Siya ay itinalagang member of the official family. Ang pagkontra sa pangulo ay kawalan ng modo. Huwag na niyang hintaying sipain sa puwesto.

Diskaril na ang koalisyon ng LP-NPC sa Pangasinan. Amado Espino ng NPC vs. Hernani Braganza ng LP for governor. Sa Cebu naman, mga Garcia ng UNA vs. mga Davide ng LP.

Mapanumbalik kaya ni P-Noy ang respeto sa kaniya ng mga Cebuano? Depende ‘yon sa hatak ng mga Osmeña at Almendras. Malalaman natin sa resulta ng nakatakdang mid-term elections.

Kailangang tutukan ng Comelec ang mga reklamo sa Precinct Count Optical Scan (PCOS) machines. Laganap na ang mga sabi-sabi. Ang makina ay garantiya daw sa panalo ng mga kandidato ng LP?

Katas

Sa taong ito, ang silent majority ay naghihintay ng mga pagbabago sa pamamahala ng bansa. Nangangarap ng tunay na demokrasyang kailangang umiral.

Kinukumpara ang pagpapatupad ng democratic form of government ng Amerika at Pilipinas.
May pork barrel din doon subali’t hindi ka-agad-agad nangyayari ang kagustuhan ng popular na pangulo.
Masusing pinag-aaralan ng mga kagawad ng lehislatura ang mga panukalang minumungkahi ng ehekutibo.
Kahit mga ka-partido, hinihimay na mabuti ang magiging epekto sa mga mamamayan.
Sa Pilipinas, nananatiling sa papel lamang ang umiiral na kalayaan sa tatlong antas ng gobyerno.
Ang executive ay nanghihimasok sa katungkulan ng legislature and judiciary.
The executive department is always the winner because of the pork barrel power. Nagagamit na panuhol ang pondo sa majority numbers ng dalawang kapulungan ng kongreso. Dahil sa hindi mapigil na corruption, lalong lumalapad ang agwat sa kabuhayan ng mayaman at hirap.

Paquito Rey Pacheco worked for 21 years in Philippine radio broadcasting. He is a former PRO for Radio in the Office of the Secretary of Philippine National Defense and former Chairman of the Rural Broadcasters Council of the Philippines. He was a reporter for Bagong Buhay newspaper. In Winnipeg, he was the News Director of Good Morning Philippines for 13 years on CKJS Radio 810 AM. E-mail: frpacheco@shaw.ca

Have a comment on this article? Send us your feedback

Pebrero 1-15, 2013

Ayon sa polls noong December 27, 2012, tumaas ng three per cent ang ratings ng Manitoba PC (mula sa 38 per cent to 43 per cent noong September). Nanggaling iyon sa NDP na nabawasan naman ng three per cent (mula 45 per cent to 39 per cent noong September).

Wala daw plano ang NDP na mapigil ang kakulangan ng pondo na maaari pang tumaas dahil sa interest ng pakakautang, sabi ng PC leader, Brian Pallister.

Muling nasa radar ng Ottawa ang immigration issues. Inaalam ng administrasyong Harper ang tunay na damdamin ng mga tao tungkol sa binagong mga patakaran mula nang maging majority sila sa parliament.

Nakakabahala ang balita na isang federal agency ang nawalan ng mga confidential personal records ng mga Canadians. Sabi’y may posibilidad daw nagagamit na ng ibang tao. Bakit kaya napabayaan ang mga personal records na ito gayong sila sa federal office ang siyang dapat may sistema upang alagaan ang ating security?

Ang resulta ng divided US Congress sa ikalawang termino ni Pres. Obama ay maaaring makaapekto sa ekonomiya ng Canada. Ang nadapang global economy ay nahihirapan pa ring makabangon.

Pilipinas

Nabalitang ang business chambers sa bansa ay payag nang ang mga foreign investors ay bigyan ng 100% authority na makapag-ari ng lupa sa Pilipinas. Hanggang 40 per cent lang ang nakasaad sa Konstitusyon.

Nakakalungkot kung mangyayari. Naalala ko tuloy ang bahagi ng isa sa mga diskurso ng naging Pangulong Diosdado Macapagal: “Pilipinas ang ating bayan. Dito isinilang, nabuhay at pumanaw ang ating mga ninuno. Dito rin isisilang at papanaw ang susunod na salin ng ating lahi. Hindi dapat maagaw ng mga dayuhan ang lupang kaloob ng Diyos sa mga Pilipino.”

Remittances from overseas and tourism ang pangunahing pumapapel ngayon sa ekonomiya ng bansa. Credit goes to DFA Sec. Albert Del Rosario and Tourism Sec. Ramon Jimenez, Jr.

Ang panunahing dahilan ng recent trip sa Davos, Switzerland ni P-Noy at pagdalo sa World Economic Forum ay upang makaakit ng foreign investors. Subalit pangako at pag-asa na naman ang nakuhang kapalit ng malaking halagang nagastos sa kaniyang foreign travel.

May bagong administrasyon na sa 2016. Walang katiyakang itutuloy ng susunod na administrasyon ang mga proyekto ng kasalukuyan. Baka mabukya tulad ng ginawa sa mga proyekto ng hinalinhang gobyerno. Sino ang maaakit na investors sa bansang walang political stability? Nagbabangayan pa rin ang mga nasa Kongreso.

Hindi si P-Noy ang keynote speaker na tulad ng binalita noon ng Malacañang. Nagsalita din naman ngunit sa karaniwang round-table meeting lamang. Naglubid lang ng buhangin at naglaba ng maruming labada sa harap ng mga opisyal ng ibang bansa. Nagawa daw ng kaniyang administrasyon sa loob ng nakaraang tatlong taon na mapigil ang corruption at gumanda ang ekonomiya ng Pilipinas?

Tungkol sa partihan ng may 30 million pesos savings ang sanhi ng nangyaring bangayan ng mga senador. Ang nagastos sa recent trip ni P-Noy sa Davos, Switzerland ay 49 million pesos. Malaki nang 19 million pesos sa ugat ng bangayan sa Senado. Maliwanag na salamin kung papaano ginagastos ng mga kagulang-gulang na opisyal ng gobyerno ang pera ng bayan.

Ang nagbabantang loss of confidence kay Pangulong Aquino ay mensaheng humihingi ng pagbabago sa kasalukuyang pagpapalakad ng gobyerno. Kailangang ipaalam kay Noynoy kung ang mga taong nagluklok sa kaniya ay hindi nagsisisi at nagtitiwala pa rin sa kaniya.

Sa nakaang tatlong taon ng Aquino administration, nadagdagan at umabot na daw sa mahigit limang trillion pesos ang utang ng Pilipinas, mula sa dating 4.9 trillion sa huling taon ng Arroyo administration, ayon sa balita. Nangutang para daw mapondohan ang pinalaking pork barrel funds. Kayabangan dahil ang bahagi ng inutang ay pinautang naman sa Greece na one billion dollars.

Corruption and criminality ang dalawang pangunahing hadlang sa pag-unlad ng kabuhayan.

Hindi nabawasan, nadagdagan pa ang mga problemang minana. Patuloy na lumalawak ang pagitan sa pamumuhay ng mayaman at mahirap. Nagsiyaman ang mga pulitiko. Naghihirap ang maraming tao.

Mismong mga law breakers at law enforcers na pinasusuweldo ng taxpayers’ money ang nasasangkot sa krimen. Pera ang karaniwang sanhi ng patayan.

Kung magpapakatotoo lang si Noynoy, madaling mawawala ang corruption. Huwag isama sa rekomendadong budget ng palasyo ang pork barrel na ugat ng katiwalian. Kaso, kung baga sa palay, Malacañang ang nagbayo, kongreso ang nagsaing, sila-sila rin ang kumakain? Tutong ang natitira sa mga tao.

Sa February 12^th ang simula ng official election period. Kaiba daw sa panahon ng election campaign na Enero nagsimula. Wala daw nilabag na batas tungkol sa eleksiyon ang LP-lead coalition Party at UNA, ayon kay Comelec Chairman Brillantes. Aba, kung hindi premature campaigning ang pagpapakilala sa mga kandidato, ano ‘yun? Kung kalabaw at elepante ang pinakilala, baka matanggap ng mga tao.

Katas

Ang opisyal na kampanya ng mga national candidates for May mid-term elections ay sa ika-12 ng Pebrero ang simula.

Kapuwa hindi iginalang ng LP-lead coalition ng administrasyon at ng UNA koalisyon ang patakaran against premature campaigning.
Ibinalita ng Comelec na wala na raw batas na nagbabawal sa maagang pagkampanya.
Sino ang kanilang niloloko? Wala pa sa puwesto ay ginagago na ang mga tao.
Wala raw nilabag na batas sa eleksiyon si PNoy sa maagang pagpapakilala ng kaniyang mga kandidato, ayon kay Comelec Chairman Brillantes.
Marami tuloy ang nagbibintang na ang Comelec ay satellite ng palasyo.

Have a comment on this article? Send us your feedback

Pebrero 16 – 28, 2013

Nang hinahanda ko ang pitak na ito, ilang araw before the formal elections for the PCCM board members, matunog pa rin ang kuro-kuro. Si Lito Taruc ay patuloy na magiging taga-pangulo ng Centre sa ikalawang pagkakataon.

Ang mga pulis ng Winnipeg ay gutom sa promosyon at nagagamit naman sila ng city na uhaw sa paglikom ng pondo. Ibayong ingat mga driver. Iwasang matikitan.

Ang cut-cut sa department stores at ibang uri ng negosyo sa Winnipeg ay indikasyon ng pagbaba sa antas ng kabuhayan. Apektado ang mga namamasukan, tulad ng nababawas na mga empleyado sa mga tanggapan ng gobyerno.

Binulgar ng Integrity Commissioner na ang taxpayers money sa Canadian International Development Agency (CIDA) ay nagagamit sa hindi dapat pag-ukulan. Very bad.

Inaabangan ng mga Pinoy sa US na mapagtibay ng Senado ang binagong patakaran sa immigration ng Obama administration.

Feedback

Kaka, nabasa ko ang sinulat mo na sinabi noon ni ex-president Diosdado Macapagal tungkol sa ating bayan. Tunay siyang makabayan. Malayo sa inugali ng anak niyang Gloria.

Pilipinas

Napagalit na naman ng Maynila ang Beijing nang isampa ng Pilipinas sa UN ang kaso sa Philippine West Sea (China Sea). Dapat daw dinaan na lang sa mapayapang paraan gaya ng napagkaisahan sa ASEAN ng mga kasaping bansa.

Lumago daw nang 6.6 per cent ang ekonomiya noong 2012. Naramdaman ba ng karaniwang tao ang epekto? Hindi yata. Trabaho ang kailangan ng mga tao, hindi balitang pakiramdam.

Sa totoo nga lang, ang nakalikha ng trabaho ay masiglang pamilihan dulot ng remmitances from OFWs, mga Pinoy sa ibayong dagat, balikbayan at mga turista. Not from foreign investments na karaniwang sangkalan sa pamamasyal ng mga opisyal.

Palaging pasalubong ni PNoy sa mga Pinoy tuwing dumarating mula sa kaniyang foreign travels ay walang iniwan sa “sirang plaka.” Nahan ang sinasabi niyang mga dadagsang investors?

Nagyabang pa sa kaniyang naka-round table talk sa Davos, Zwitzerland. Ang Pilipinas ay mag-eeksport daw ng bigas sa taong ito. Saan manggagaling? Sa mga smuggled rice na pumapasok sa bansa?

“Philippines is now a rising tiger,” sabi ng World Bank officials. Gayun din ang paniwala ng British Standard Charter Bank na umano’y sumusubaybay sa ekonomiya ng ASEAN. Walang binanggit na batayang matibay. Kinikilig naman sa tuwa ang mga nasa Palasyo sa gayong pang-uutong balita.

Dahil sa information highway, hindi maitatago sa ibayong dagat ang mga nangyayaring katiwalian at kriminalidad sa Pilipinas. Paano maaakit ang mga dayuhan na mamuhunan sa isang bansang magulo?

Bakit ang Freedom of Information bill ay muling na-strike out? Strike One sa panahon ni Gloria. Strike-Two ngayon kay Noynoy. Kasi daw ayaw nilang malaman ng publiko ang mga katiwaliang nagaganap sa kanilang pamamahala. Period.

May walong taong nilakad ng mga nasa contraceptive business ang RH Law. Nagtagumpay sila sa mid-term ng gobyernong Aquino. Sabi ng mga kritiko, Legislature became the Executive’s rubber stamp.

Hindi daw totoo ang alegasyong kasama na ngayon sa pangkat ng yellow-black and white ang mga nagsasagawa ng harrasments kay Jun Lozada. Ang sumalakay daw sa tahanan ng nagbulgar ng NBN-ZTE scam sa panahon ng mga Arroyo na may dalang warrant of arrest ay mga NBI impostor, ayon kay DOJ Sec. De Lima.

Buong-buo ang kumpiyansa ni PNoy kay Agrarian Reform Sec. Virgilio Delos Reyes, sabi ng Lady Gaga sa Maynila. Oo naman. Dapat nga bigyan pa siya ng Turtle Award dahil sa makupad niyang treatment sa mga magsasaka ng Hacenda Luisita.

Nagsimula na ang pormal na sabuyan ng putik ng Team PNoy at UNA ng tatlong-haring may tahid sa politika. Hindi makalimutan ni Noynoy si Gloria. Muling pinatutsadahan sa proclamation rally na ginanap sa Plaza Miranda.

Maliwanag na ngayon na ang PCOS machines na ginamit ng Comelec noong 2010 elections ay may depekto. Napikon si Brillantes nang komprontahin sa resulta ng palpak na testing.

Kung ayaw ni Chairman Brillantes na maging mano-mano na naman ang eleksiyon, iwasto ang PCOS machines. Ayusin para sa mga binoto ng mga tao, hindi sa gusto ng Comelec na manalo. Ang machinated election ay baka maging mitsa ng gulo.

Hanggang inverted pyramid ng democratic government ang sistemang pinaiiral na pamamahala sa Pilipinas, mananatiling mahina ang pundasyon ng kabuhayang pambansa. Hindi makakayanan ng ilang mayayaman ang bigat ng maraming naghihirap na mamamayan na kanilang pasan. Dapat tulungang mapalakas ang kabuhayan ng karaniwang tao. Ang susi ay pagpapatatag sa mga larangan ng agriculture, fisheries, cottage industries at iba pa, na panggagalingan ng magandang pamumuhay. Magiging matatag ang kanilang kabuhayan na makatutugon sa mga pangangailangan at gastusin tulad sa edukasyon ng mga batang kagawad ng kanilang pamilya.

Katas

Ang RH law na halimbawa daw ng legislation for sale sa Pilipinas ang pangunahing ugat ng tuwirang paglaban ng may 78 obispo sa liderato ni Pres. Noynoy Aquino. Inisa-isa ang ilan sa mga isyu ng pagkukulang sa bayan ng gobyernong Aquino:

Pangunahin ang patuloy na paglaganap ng kriminalidad at corruption.
Mataas na presyo ng mga bilihin, koryente, tubig at iba pang kailangan ng mga tao.
Maraming nakatapos ng mga kurso, walang mapasukang trabaho.
Lalong dumami sa halip mapigil ang naghihirap at nagugutom.
Tuloy ang kidnappings at extra judicial killings at iba pang uri ng human rights violations.
Kinunsinte ang pamamayagpag ng political dynasties, sinisikap gawing rubber stamp ang Senado, at
Nagbabala na baka gamitin ng Malacañang kapangyarihan para makapandaya sa eleksiyon?

Malalaman sa mid-term election results kung totoo ang binabalitang walang botong hatak ang Simbahang Katoliko.

Have a comment on this article? Send us your feedback

Marso 1 – 15, 2013

Ang gobyerno ni Greg Selinger na siyang namumuno sa probinsya ngayon at sa nakaraang mga panahon ay ni hindi raw kinakitaan ng puso na maitaas man lang ang rental allowances ng mga umaasa sa welfare na namumuhay na mag-isa?

Hindi lang City of Winnipeg ang nangangailangan ng dagdag na pondo. Ang gobyernong eskuater sa malaking building sa Broadway at Osborne ay nakatitig din ngayon sa bulsa ng taxpayers. Abangan ang hinahandang provincial budget ng NDP.

Naging maayos ang dinaos na PCCM board members election noong ika-17 ng Pebrero. Sa kabuuang 199 registered members, 145 nito ang pumili sa limang karagdagang kagawad ng lupon. Sila ay sina: Romualdo Lorenzo, Agnes Rodgers, May Deculing, Reynaldo Sangalang at re-electionist Clarita Nazario. Nabalitang apat na dating kagawad ng board ang nag-resign. Pagpapasiyahan pa ng lupon kung sino-sino ang maaaring makapalit na manunungkulan sa kasalukuyang taon.

Sa ilalim ng bagong plano ng Obama administration on immigration, maraming magkakaroon ng residence status sa Amerika ang mga walang gayung pribelehiyo, ayon sa reports.

Pilipinas

Malayong maresulba ng Beijing at Maynila sa madaling panahon ang usapin ng China at Pilipinas sa West Philippine Sea. (South China Sea).

Biglang nabuhay ang isyu sa Sabah na ayon sa lumang mapa ay kasama sa teritoriyo ng Pilipinas. Kapabayaan ng mga sumunod na lider ng bansa kina Ex-presidents na Diosdado Macapagal at Ferdinand Marcos, Sr. Kaya ngayon ang kaso sa pag-angkin ng Pilipinas ay walang iniwan na lang sa “patay na Talaba.”

Maliwanag pa sa sikat ng araw na kung Malaysia ang may-ari ng lugar, bakit sila nagbabayad ng renta sa Sabah? Kung mananatili ang noynoying attitude ng mga nasa Palasyo at DFA, mananatiling malabo ang isyu.

Maraming mapagpipilian ang Vatican sa itatalagang bagong Santo Papa. Malalaman daw sa malapit na hinaharap kung sino ang mapipili. Si Cardinal Tagle ay isa sa mga contenders.

Divorce, same-sex marriage, contraceptives, corruption, katahimikan, kriminalidad at trabaho ang ilan sa mga isyu na pinupukol ng mga Obispo laban sa gobyernong Aquino.

Palipad-hangin lang ang pamutak ni Noynoy na nagawa ng kaniyang gobyerno, tungkol sa corruption. Mismong si re-electionist Senator Trillanes ang nagsabing maraming mga nangyayaring kurapsiyon sa kasalukuyang administrasyon.

Teka, may mga sarkastikong komento na inuugnay sa tourism slogan, “more fun in the Philippines.” Tama raw. “More ‘pan’ in the Philippines.” Usa-pan ng usa-pan lang ng China at Pilipinas. Hindi mapigil ang kidna-pan, holda-pan, kura-pan at kahira-pan sa panahon ng gobyernong Aquino.

Kung hindi pa rin umaasenso ang kabuhayan ng karaniwang Filipino ay bakit ang hospital detainee na si Gloria pa rin ang binabanatan ni PNoy? Ang recycled accusations ay walang iniwan sa sirang plaka.

Rewind nang kaunti ang kasaysayan. Hindi ba ang mga naninira ngayon at sinasariwa ang mga palpak na pamamahala ay mismong sila na halos pinakain sa palad ni Gloria? Totoo o hindi?

Mahigpit pa rin ang kapit ni VP Binay sa pantalon ni PNoy. Dilaw pa rin daw ang kaniyang kulay. Marahil isang dahilan kaya nabawasan ang kaniyang satisfaction ratings?

Aksayang panahon na lamang kung pag-uusapan pa ang pagkakaltas ng UNA sa listahan ng senatoriables na sina Escudero, Legarda at Grace Poe. Ang dalawang partido ay parang mga batang nag-aagawan ng kendi. Ang tatlo ay lumilitaw namang mga tuso.

Kung tungkol sa mga isyu na may kinalaman sa kabuhayan, trabaho, mataas na presyo ng mga bilihin, kriminalidad at korapsiyon ang pagbabatayan ng mga botante sa pagboto, baka walang Liberal na mahalal sa Senado.

Katas

Iuukol daw ni PNoy sa nalalabing mahigit na sa dalawang taong natitira sa kaniyang termino ang pagkakaloob ng maraming trabaho at katatagan sa kabuhayan ng mga tao. Good, subalit mangyayari lamang ‘yon kung:

Mapapalakas niya ang pondasyon ng agrikultura.
Makapagluluwas ng mga tapos na produkto mula sa mga minahan ng bakal, ginto at tanso. Gayun din ang mga finished product mula sa mga torso.
Mapipigil ang exodus of brain drain at kapitalista sa mga negosyo. At,
Buhayin ang cottage industries na lilikha ng dagdag na trabahong mapagkakikitaan ng mga nasa rural na pook ng bansa.

Ang magandang pangako ay mahirap mangyari sanhi sa kakapusan ng panahon. Magaling man kung huli, wala ring mangayari.

Have a comment on this article? Send us your feedback

Marso 16 – 31, 2013

Kung tutuparin ni Mayor Sam Katz ang kaniyang pahayag sa State of the City Address noong ika-8 ng kasalukuyang buwan, ang gobyerno ng Winnipeg will be in good hands. Ang mayor ay malamang humirit ng isa pang termino.

Medyo daplis yata ang atake ng Manitoba PC sa gobyerno ni Greg Selinger ng NDP. Ang binalitang tinapyas na halos two hundred thousand dollars na pondo para sa Nominee Application Centre ay pera ng Federal. Pinangasiwaan lang ng probinsiya. Ang termino ay hanggang katapusan na lamang ng Marso. Probinsiya na ang babalikat ng gastusin kung ipagpapatuloy ang serbisyo.

Nabalitang biglang dumami ang federal Liberal supporters both in public at dating mga kapartido. Sa ika- 16 ng April malalaman kung sino ang magiging bagong lider para sa 2015 federal elections.

Unti-unti na raw nakakabangon sa Great Recession ang US? Nabalitang ang pangunahing benepisyaryo ay mga mayayaman. Ang mga nasa middle class ay nakakabawi naman ng kanilang investments sa pagbebenta ng mga bahay na noon ay nabili nang mura.

Pilipinas

Doon sa aming barangay, tuwing magkakaroon ng presidential and local elections mula pa noong 2004 hanggang sa kasalukuyan, may mga politiko at kanilang mga alipores na nagbibisita. Binabalita sa mga tao na magpapagawa sila ng tulay sa ilog, na nasa pagitan ng aming baryo Dalig, Balagtas at Malibong-bata, Pandi, Bulakan. As balikbayan, nagkakataon namang naroroon ako sa mga panahong nabanggit.

Hanggang sa ngayon, ang pangakong proyekto ng noo’y Rep. Willy Alvarado na kasalukuyang gobernador ng Bulakan ay drawing pa rin. Bata pa naman si Gob para madaling makalimot. Kung hindi pang-uuto sa mga tao, palipad-hangin lang para makakuha ng boto.

For the record, si Mang Willy ay isa sa noo’y alipores ni Gloria. Ngayon ay nakasakay na sa trak ng basura ng LP coalition, sa baku-baku at lubak-lubak nang tuwid na daan ni PNoy.

Ang feedback naman sa kasalukuyang Alkalde ng Balagtas, Rommy Castro at Mayor Rico Roque ng Pandi ay maganda. Nananatiling popular. Tinutupad daw kasi ang kanilang pangako sa mga tao.

Milyon-milyong piso ang magagastos sa proyektong Cagayan Valley Road through BOTC ng gobyerno at foreign contractor. Ang four-lane highway na Plaridel Bypass ay magdadaan sa mga bayan ng Balagtas, Guiginto, Bustos at San Rafael, Bulakan.

Ang lumalamig na isyu sa West Philippine Sea at South China Sea ay nahalinhan ng mainit na Sabah kontrabersiya. Sa halip maging neutral bilang pangulo ng Pilipinas, Malaysia ang kaagad pinanigan ni PNoy.

Maraming sumasama ang loob. Umaaktong daw si PNoy na waring kagawad ng Malaysian cabinet. LP-lead coalition candidates sa pagka-senador ng Team PNoy ang malamang makalasap ng negative effect.

May mga tilamsik na ng dugo ang mga kamay ni PNoy sanhi ng nangyaring massacre sa mga kapatid nating Muslim. Ang Moro Ethnic Groups sa Southern islands ay nasa pitong per cent na kabuuang pupulasyon ng Pilipinas.

Sakaling si PNoy ay madapa sa Mindanao because of Sabah conflict, baka mahirapang makabangon. Hindi maitago mismo ni Loren Legarda ang labis na pangamba at pagkabahala.

Sampal sa ASEAN ang panawagan ng UN na tigil-putukan sa Sabah standoff. Kasi, waring nanunuod lang.

LP lead coalition ay basag sa mga probinsiya. May kani-kaniyang kandidato for local officials ang LP. NP at NPC. Ang senaryo ay peking alliance.

Ang mga patutsada ni Chiz ay waring nagbabadya na ang re-eleksiyonistang senador ay natatakot sa Erap magic. Buti pa sina Loren at Grace Poe. Kapuwa tahimik.

Ginunita noong ika-8 ng kasalukuyang buwan ang Araw ng Kababaihan. Ang problema ng mga dalagitang nagbebenta ng sariling laman para lang makapag-aral ay wala pa rin sa radar ng gobyernong Aquino na maremedyuhan.

“CCT funds improved the conditions of the poor,” ayon sa mga alipores ng administrasyon. Kung totoo, bakit hindi pa nawawala sa ibabaw ng mga tambakan ng basura ang mga batang naghahalungkat ng kanilang ikabubuhay?

Marahil ilang mayayaman lamang ang nakinabang sa balitang umunlad ang kabuhayan. Kasi, ayon sa balita patuloy lumalaki ang agwat sa pamumuhay ng mayaman at mahirap.

Katas

Ang resulta ng 2013 mid-term elections sa ika-13 ng Mayo ay magiging barometro sa popolaridad ng mga naglalabang pangkatin ng mga politiko.

Alin kaya sa Team Pnoy at UNA ang may pinakamaraming mahahalal na mga senador.
Sino sa dalawa kay Noynoy at Erap ang may magic vote sa Mindanao?
Ano ang magiging epekto sa Team PNoy at UNA ng nangyaring sigalot sa Sabah?
Magpatuloy kayang mamayagpag ang political dynasties?
Manatili kaya sa tatlong pangunahing puwesto sa pagka-senador sina Loren, Chiz at Peter Allan? Abangan.

Have a comment on this article? Send us your feedback

Abril 1-15, 2013

“Gas-tax index is great,” ayon kay Mayor Sam Katz. Oo nga, pero ang daily wage earners ang nababalatan, hindi silang mga nasa city council.

Nabawasan nang may 16 per cent ang Manitoba immigration noong 2012. Halos tatlong libo lamang ang dumating sa pamamagitan ng MPNP kumpara sa 9,5000 from previous year. Thanks but no thanks to the federal changes on immigration policies of the Harper government.

Simula na ika-6 ng kasalukuyang buwan ang pagpili sa magiging lider ng Federal Liberal Party. Sa April 16^th naman malalaman kung ang front-runner na si Justin Trudeau na nga ang mapipiling lider ng partido.

Tungkol sa economic ranking ng may 16 na bansa, mataas pa rin ng two per cent ang US sa Canada, ayon sa balita. Fourth ang Amerika, sixth naman ang Canada.

Pilipinas

Ang puna ng pitak na ito noong March 16^th isyu ng Pilipino Express ay waring nagkaroon na ng reaksiyon. Hinahanda na ang mga kinakailangang gamit sa pagpapagawa ng tulay sa ilog na nasa pagitan ng Barangay Dalig, Balagtas at Malibong-Bata, Pandi, Bulacan. Maraming salamat po. Nawa’y hindi na mabitin ang proyektong binabalik-balikan tuwing may takdang eleksiyon sa loob ng nakaraang limang taon.

Lalong umalingasaw ang mabahong amoy ng mga pangyayari sa Sabah. Noynoying ng gobyerno ni BS Aquino III ang nagpapalala sa sugat na likha ng standoff.

Ang mata ng buong daigdig ay nakatanaw sa Sabah. Pinalalayas ng Malaysia ang ating mga kapatid na Muslims sa sariling tahanan. Ano nga kayang mahiwagang dahilan? Bakit ang gobyernong Aquino ay umiiwas na magdamdam ang Malaysia? Ayaw makisawsaw bagama’t nakamasid ang Amerika.

Hindi na nakatiis si Sen. Bongbong Marcos. Inupakan na si PNoy. Sa iba raw binibintang ang kaniyang kapabayaan at pagkukulang sa isyu ng Sabah. Binanggit ang hindi kompirmadong Jabidah massacre sa panahon ng Marcos administration. Scapegoat tactics sa halip na sulusyon sa problema

Naalala ko tuloy ang nangyaring pagsabog sa Plaza Miranda. Binintangan din noon ni Ninoy, ama ni PNoy na kagagawan daw ng Marcos military. Kampo pala ni Joma Sison ang nambomba?

Sabah at brownouts ang pangunahing isyu na magpapahirap sa kampanya ng Team PNoy sa Mindanao. Ang Moro ethnic groups sa Southern Islands ng bansa ay seven per cent of the total the Philippine population.

Kahit ulit-ulitin ng mga kaalyado ng administrasyon na umunlad ang kabuhayan, mananatiling alien sa mga mahihirap ang balita. Hindi nila mararamdaman.

Sa ilalim kasi ng umiiral na kapitalistang sistema sa Pilpinas, nasa kamay lang ng ilang mayayaman ang kayamanan ng bansa. Kaniya nga hindi kumikipot, bagkus lumuluwang ang agwat sa pamumuhay ng mayaman at mahirap

Malaking hamon sa bawat administrasyon na naghahalinhinan sa Pilipinas ay kung papaano mapapaganda ang kabuhayan at solusyon sa peace and order ng bansa.

Ibinalita ng re-eleksiyonistang senador Sonny Trillanes na ang unang adyenda ng 16^th Congress ay ang pagpili ng bagong pangulo ng Senado. Ang kaniyang hangaring mapatalsik si Sen. Juan Ponce Enrile as Senate President ay mangyayari lamang batay sa pasiya ng Senate majority members. Malalaman sa resulta ng mid-term elections.

Palagay ng ilang political analyst na nakausap ko sa Shangri-la Edsa, marahil makakakontra daw ni Noynoy ang kaniyang mga relative sa mamanukin ng presidente sa 2016 presidential elections.

Katas

Nawala na nga kayang tuluyan sa radar ng gobyerno ang pangit na kalagayan ng mga mag-aaral sa mga pampublikong paaralan?

Kailan lamang ay isang UP student ang nagpakamatay dahil hindi lang nakabayad ng kaniyang tuition fee.
May mga dalagitang nagbibili ng sariling laman para lang makapag-aral.
Maliit ang pasuweldo sa mga guro. Napipilitang gumawa ng ibang paraan para makatugon sa pangangailangan ng paaralan.
Mula sa kindergarden, obligadong pinagsusuot ng toga ang mga bata.
May pribadong litratista na arkilado. Sisingilin sa mga bata na ang mga magulang ang magbabayad.
Hindi mabibigyan ng clearance ang mag-aaral kaya no enrolment for the next grade.
Ang corruption ay nangyayari mismo sa gusaling dapat maging pondasyon ng kagandahang asal.

Have a comment on this article? Send us your feedback

Abril 16-30, 2013

Ang buong PNP policies sa immigration ay pinababalikat na raw ng Ottawa sa gobyernong NDP ng Manitoba? Hindi nga malayong patuloy na bumaba ang bilang ng mga landed immigrant sa probinsya.

Bigo ang gobyernong NDP ni Greg Selinger na mabawasan ang budget deficits. Tumaas pa nang mahigit sa 100 million dollars. Sangkalan ang slow economic growth, kapos sa revenues, mataas na gastusin sa health care, education, family services at iba pa.

Malungkot sa sandaling gayahin ng Ottawa ang bagong panukala sa immigration ng Washington. Planong alisan ng karapatan ang US citizens na makapagpetisyon ng kani-kanilang mga kapatid at malapit na kamag-anak. Asawa at mga anak na minor de edad lamang ang pahihintulutan.

Handa na ang US sa plano ng North Korea na pag-atake sa mainland, Hawaii at Guam? Alertado na ang kanilang military bases sa South Korea at Japan.

Pilipinas

From Sabah, ang umiinit na tension ay nakatuon sa Korean peninsula. Hilaga at Timog ng bansa ang malamang mag-upakan. Humigit-kumulang sa 40 libo ang bilang ng mga Pinoy legally at undocumented OFWs sa South Korea. Ang planong paglilikas ay tiyak na may negatibong epekto sa ekonomiya ng Pilipinas.

Kasunod ng ulat na up-graded credit ratings ng Pilipinas from BB to BBB, sinabi ni PNoy na nagkakabunga na raw ang mga programa ng kaniyang administrasyon. Naku naman, ang pinagbasihan po yata ay tulad ng mga infrastructure projects na nagawa noon, hindi sa nakaraang tatlong taon ng Aquino administration.

Sa ngayon, ang kinakaharap na problema ng gobyerno ay tungkol sa infrastructure projects.

Sanhi sa noynoying ng kasalukuyang gobyerno, muling uminit ang isyu tungkol sa Mindanao Power Crisis. Bihirang araw na hindi magkaroon ng brownouts, tumatagal nang mga walo hanggang 10 oras. Hindi lang karaniwang mamamayan ang apektado. Malubha ang dulot sa mga may negosyo.

Teka, bakit nga ba waring hindi gaanong nakakakuha ng media attention ang tungkol sa mid-term congressional and local elections? Gayundin ang may kinalaman sa power crisis na posibleng mangyari din sa Luzon? Walang iniwan sa mga asong binusalan.

Bagama’t balido ang political dynasties isyu, subalit waring paralisado. Nabalitang sa 80 probinsiya, 72 ang pinaghaharian ng politician’s relatives.

Halos 26 araw na lang ang nalalabi bago ganapin ang mid-term congressional ang local elections. Ang LP-lead coalition, Team PNoy for senatoriables kung baga sa humahalimhim na manok ay nagbibilang na ng sisiw, hindi pa man napipisa ang mga itlog.

Ang tuwid na daan ni Noynoy ang ginamit ng mga smuggler ng mga produkto na waring pangunahing industriya ngayon ng gobyernong Aquino. Kabilang sa mga produktong puslit, ang bawang, gulay, karne ng manok at baboy, palm oil, rice and gasoline. Dahil ba LP man ang hepeng BOC kaya okay lang?

Ang pananaw ng bagong Pope Francis ay nakatuon sa kalagayan ng mga mahihirap. Binukya naman ni PNoy ang Magna Carta for Poor. Hindi kukulangin sa 85 per cent ng kabuuang populasyon ang mahihirap na sabi ni Noynoy ay kaniyang mga boss. Bakit hindi pungusan ang pork parrel?

Bakit tameme ang pangkat ng UNA na umano’y oposisyong koalisyon? Kontento na ba sila sa palakad ng benggatibong gobyerno? Binubusog ang mga tao sa pamamagitan ng mga pangako at pag-asa. Tama nga ang SWS survey. Ang mga naghihirap ay kontento na raw sa kanilang buhay. Kahit ang mga nasa middle class tanggap na nila ang buhay na “isang kahig isang tuka.”

Katas

Nakasalalay sa magiging resulta ng mid-term congressional and local elections kung may bisa pa ang PNoy magic.

Mag-eexpire ang termino ng limang senator sa Hunyo pagkaraan ng eleksiyon sa ika-13 ng Mayo.
Sina Ping Lacson, Joker Arroyo, Ed. Angara, Kiko Pangilinan at Manny Villar.
Kung sa kabuuan ng manunungkulang senador sa ika-16 na kongreso ay magiging dominante ang mga susunod sa utos ng Palasyo, mababago ang liderato sa Senado. Enrile vs Drilon?

Have a comment on this article? Send us your feedback

Mayo 1 - 15, 2013

Ni Paquito Rey Pacheco

Malabong sa malapit na hinaharap ay magkaroon ng Honourary Consul sa Winnipeg. Filipino OFWs and Filipino-Canadians sa Manitoba ang biktima ngayon ng noynoying by the Department of Foreign Affairs. Interes daw ng mga ninong na may kani-kaniyang manok ang pangunahing nakakapigil.

Dapat lang maimbestigahan at maparusahan ang Con-Gen sa Vancouver na umano’y abusado at lasenggo. Nagalit at kinumpronta ang aplikante na nagsabing “one Canadian dollar” lamang ang kaya niyang maibibigay na donasyong hinihingi nila. Ang insidente ay nangyari kamakailan sa Alberta, during a Passport Renewal Outreach Program.

Nangako ang Manitoba Progressive Conservative Leader Brian Pallister na ang gobyernong PC sa probinsya would roll back PST at haharangin ang proposed hike ng gobyernong Selinger – but that’s a big If. Sakaling mananatiling manhid ang NDP sa isyu, hike to PST leaves Manitoba with highest sales tax in Western Canada. Again, consumers will be the losers.

Pilipinas

Sa nakaraang tatlong taon, ang gobyernong Aquino ay hindi nagawang mabago ang kabuhayan ng naghihirap na mga tao, ayon sa National Statistical Coordinating Board. Malaon nang ramdam ng mga tao ‘yon. Hindi na dapat binabalita.

Ayon sa bumisitang Former US Secretary of State, Colin Powel sa Moscow, “North Korean Regime would be committing suicide if it used nuclear weapons.” Ang Pilipinas ay huwag na sanang makisawsaw pa sa Korean Peninsula crises.

Na-doktor na kaya ng mga kagulang-gulang na kongresista’t senador at mga iskuwater sa Palasyo ang kanilang mga Statements of Assets, Liabilities and Net Worth (SALN)? Hinamon ni Chiz Escudero ang kaniyang kapuwa senador na bigyan ng layang maimbestiga ang kanilang SALN.

Eleven days to go. Maapoy ang kampanya ng mga kandidato, lalo na sa local positions sa panahon ng mainit na klima. Ang problema ng mga botante ay kung mabibilang ang tunay nilang binoto?

Isinuko ni Chairman Sixto Brillantes ang independensya ng Comelec. Nagpa-importante lang kay PNoy. Magre-resign daw, drama lang pala. Baka naman natatakot sa posibleng PCOS failure?

Kung pagbabatayan ang mga lumalabas sa surveys, ang mga kandidato ng LP coalition ang magiging dominante sa Senado after the May 13 mid-term election. Abangan kung totoo.

Tumanggi ang SWS at Pulse Asia na tukuyin ang kanilang sponsors sa surveys. Sinangkalan ang freedom of information. Kinatwirang ‘yon ang kanilang opinion.

Pahayag naman ng ilang political analysts: Baka ang Team PNoy ay magulat sa magiging resulta ng eleksyon. Ang may siyam na million solid votes ng Iglesia Ni Kristo ay maaaring makapagpabago ng senaryo.

Karaniwang iniisip daw ng mga hikahos ay ipagkakaloob sa mga kandidato ang kanilang boto, “if the price is right.”

Power crisis ang pangunahing isyu ngayon sa Mindanao. Ang halos tatlong taong noynoying ng gobyerno ang umano’y sanhi kaya ang mga tao at may negosyo doon ay naglalakad ngayon sa madilim na “daang matuwid.”

Hindi raw nakakuha ng aral sa gobyernong Aquino I ang Aquino II. Tita Cory’s administration abolished the Ministry of Energy noon. Pinalitan ng generator power plants na solusyong pumalpak. Binubuhay ni PNoy ngayon na sagot sa Mindanao power crises.

Sabi nga ng isang kolumnista, ang Minadanao noon ay “land of promise,” “land of darkness” ngayon. Naku, posibleng ang kadiliman ay muling magamit sa hokus-pokus na resulta ng eleksyon?

Katas

Magkaiba ang senaryo sa kampanya ng LP-coalition Team Pnoy at UNA.

Halatang maraming pera ang mga kandidato ng administrasyon. Dinadaan na lang sa radio at TV ads at pahayagan ang kampanya.
OK lang daw langawin ang kanilang mga rally? Wala raw sa dami ng dumadalo sa mga rally ang boto ng mga tao.
Kulang nga sa atik ang mga senatoriables ng UNA. Kinukumpleto ang attendance sa mga rally para makaakit ng mga tao.
Ang mga kandidato ng Team PNoy ay hindi gaanong naiinitan, kumpara sa UNA na ang mga balat ay sunog sa init ng araw.
Malalaman sa ika-13 ng Mayo kung si PNoy ay magiging lame duck president.

Have a comment on this article? Send us your feedback

Mayo 16 - 31, 2013

Ni Paquito Rey Pacheco

Ang panukalang PST tax increase ng gobyernong NDP ni Greg Selinger ay mahinog kaya sa pilit? Kung mangyayari, maituturing na supalpal sa mga kontra na tulad ng provincial PC, Canadian Taxpayers Federation, Canadian Federation of Independent Business at Winnipeg City Council. Abangan.

Ang ulat na 16 trillion dollars ang US Federal debt at hindi maiiwasang patuloy na imprenta ng American money ay hindi kailangang ipagwalang-bahala. Lahat ng mga bansang nakatali ang kanilang currencies sa US dollar ay tiyak na madadamay sa mga negatibong epekto.

Tataas ang taxes. Bulsa ng taxpayers ang tiyak na pagkukunan ng gobyerno sa mga gastusin. Malamang magkaroon din ng unemployment problems. Sana hindi mangyari ang aking perceptions.

Pilipinas

Muling nangibabaw ang senaryo ng patayan, korapsyon at nepotismo sa nakaraang congressional at local elections. Hindi naiwasan ang laglagan ng magkakasama sa koalisyon na ang punto – bawat isa ay naglalaway sa pork barrel.

Walang iniwan sa pelikulang cowboy. Sila-sila ay nagpapatayan nang makita ang hinahanap na kayamanan.

Same problems. May mga presinto na ang kanilang mga pangalan ay nawala sa dating pinupuntahan para maka-boto. Nasayang ang kanilang panahon.

Si Mayor Alfredo Lim ang nalatayan ng ginawang pagtanggi ni PNoy sa kahilingan ng labour sector na nagsagawa ng malaking protesta sa lansangan ng Maynila noong labour day.

Lalong lumawak ang agwat sa pagkakahati-hati ng sambayanan. Hindi kaagad maghihilom ang sugat na nalikha sa kalooban ng mga natalo sa halalan.

Sa kabila ng mga pumalpak na makina, OK naman daw ang nakaraang eleksyon, ayon sa Comelec. Kahit sa mga alegasyong namili ng boto ang mga kandidato ng LP-lead coalition, ok pa rin ba?

Batay sa resulta ng halalan, ang mga survey ba should be trusted or trashed? Alin man kina Loren, Chiz at Alan ang ibinalitang maaaring number one. Nalakdawan sila ng anak ni FPJ na si Grace Poe.

Ang isyu ng dynasty ay hindi tumalab sa mga Aquino, Binay, Erap, Marcos at iba pang maliit na pangkat ng mga politiko sa lokal.

Sana kalimutan na ang mga hinanakitan. Unahin ang tungkol sa kagalingan ng mga mahihirap. Hindi ang pagbawi sa mga nagastos. Karaniwang mamamayan ang napag-iiwanan ng sinasabing economic growth.

Ang usapin at pangako ng gobyernong Aquino sa mga magsasaka ng Hacienda Luisita ay nananatiling nasa papel pa rin. Naku, maawa naman kayo.

Nakakalungkot ang ginagawang pagtrato ng gobyerno sa OFWs. Turing pa naman sa kanila ay mga “bagong bayani.” Napapabayaan sila sa mga hinihiling na serbisyo.

Pakiramdam ni PNoy sa nakaraang ASEAN summit ay nakuha niya ang suporta ng mga kasapi sa hinahangad niyang territorial and maritime disputes sa West Philippine Sea (South China Sea). Hindi yata. Binasura ng China ang mga pa-kulo ng Malacañang kaugnay ng nakaraang Brunei meeting.

Walang iniwan sa nabasag na bula ang resulta ng mga foreign trips ni PNoy at kaniyang mga kagawad ng gabinete na ginastusan ng milyon-milyong pera ng mga boss ni Noynoy. Ang Pilipinas ay nabalitang the lowest foreign direct investment inflows among the Asean countries. Hindi makausad. Pinakamataas din ang grado sa unemployment. Isang dahilan ng mga investor ang kawalan ng pang-matagalang patakaran ang gobyerno.

Nabangkarota ang SSS. Tulad ng power crisis sa Mindanao. Napabayaan sa nakaraang mahigit tatlong taon ng Aquino Administration. Mungkahing remedyo ngayon ng mga bright minds ni Noynoy ay “hike the contributions.” Aba, karagdagang pabigat po ‘yan sa mga may negosyo, lalo na sa mga pribado at kanilang mga empleyado.

Ibinalita ng NFA na aangkat ng bigas na ang katumbas ay 187,000 tonelada. Kailan lamang sabi ng Department of Agriculture na magluluwas ng bigas ang Pilipinas. Ano ba ‘yan? Alin ba ang totoo? Import or export?

Sinara pagkatapos sinabing bukas pa rin daw ang peace talks sa CPP. Ano ba yan? Ang isyu ay lumubog-lumitaw sa nakaraang mahigit na 50 taon ng apat na administrasyon. Walang iniwan sa kamay ng sanggol na tinuturuan ng close-open?

Katas

Maituturing na ang nakaraang eleksyon ay repleksyon ng liderato ni PNoy.

Nabigo si Noynoy na maituloy ang ika-13 taon ng pamumuno ni Mayor Alfredo Lim na tinaguriang “Dirty Harry” ng Maynila.
Si Erap, na binansagang “Asyong Salonga ng Tondo,” ay siyang iniluktok ng majority voters sa City na Mayor ngayon ng pangunahing siyudad ng Pilipinas.
Maaaring konpiyansa ngunit mahinang basehan na “Aquino magic,” kaya nahalal ang mayoryang mga senador ng Team PNoy. Popular ang kanilang mga pangalan.
Ang lehitimong LP sa koalisyon ay apat. Dalawa lamang ang nakalusot: si Bam Aquino at Ed Angara, Jr.
Tiyak na magiging panahon ng political re-alignment ang 2013. Exodus from LP-lead coalition to UNA ni VP Jojo Binay?
Mananariwa ang katanungang natupad ba ni Noynoy ang kaniyang mga pinangako noong 2010 presidential elections? Hindi kaya magiging “lame Duck” president si PNoy sa loob ng nalalabing tatlong taon ng kaniyang termino?

Have a comment on this article? Send us your feedback

Hunyo 1-15, 2013

Ni Paquito Rey Pacheco

Maligayang-bati sa lahat ng Ama na magdiriwang ng kanilang araw sa ika-16 ng kasalukuyan. Pagpugayan silang tunay na haligi ng mga tahanan. Ang naging pabaya, huwag namang kalimutan. Igalang din sana, “sila’y tao lamang.”

Itutuloy na raw sa Enero 2014 ng gobyernong Harper ang pinigil na parents’ sponsorship ng mga landed immigrants sa buong Canada. Maganda ang balita sa mga mayayaman. Pangit sa mga hindi makakasunod sa mahigpit na proseso at malaking gastusin.

Ang komento ng kaibigan kong LP-MP, as critic on immigration, eh, waring nasisiyahan na sa pakulo ng Federal PC. In short, ok at be prepared, sabi niya. A critic is a critic is a critic. Buti pa si Tito Mike Scott, columnist dito sa Pilipino Express. Ang sabi’y “Only the rich need apply for redesigned sponsorship of parents.”

Limitado sa 5,000 ang bilang ng applications for processing para sa 2014 sa buong Canada. Maraming parent na nakadalaw na sa kanilang mga anak dito through multiple visa ang maaaring magka-problema. Nasunod ba ang mga requirements as tourist sa panahon ng kanilang stay in Canada?

Feedback

Kaka,

Tungkol sa outreach services program dito ng Philippine Consulate from Toronto. Tumawag po kami noon. Sabi’y “wait for the announcement.” Unang araw, narinig namin ang balita. Tumawag kami agad sa coordinator dito. Sabi’y puno na raw. Ano ba ‘yan?

Naku. hindi po kayo nag-iisa.

Ang upuan ni PM Harper ay niyayanig ngayon ng Senate expense scandals. Nauuso na rin pala dito sa Canada ang pakapalan ng mukha. Ibabalik daw naman ang pera? Pababayaang na lang bang liparin ng hangin ang mga kasalanang nagawa nila sa bayan?

Canadian taxpayers money ‘yon. Marami ang nabubuhay cheque by cheque. Si Wright na alipores ng PC does what is wrong. Iwas-pusoy naman ang PM. Sabi’y Wright solely responsible. I’m angry. Sorry. Ganon na lang ba ’yon?

Sapakatan ng organisasyon ng mga may mina ng langis ang sanhi na nararanasang mataas na presyo ng krudo at gasolina. Kasama sa usapan ang Canada na may sariling mina.

Pilipinas

Ang Pilipinas ay nakasama sa 16 countries na blacklisted sa France dahil sa hindi malinis na reporting ng mga donasyon at tulong ng foreign governments. Pati ang mga lokal na bangko ay nasangkot sa problema.

Lumalamig na ang kaso ng Pilipinas at Taiwan sanhi ng pagkakabaril na ikinamatay ng Taiwanese fisherman. Samantala, umiinit na naman ang iringan sa pagitan ng Maynila at Beijing.

Sabi ni Gen. Jasmin, hepe ng AFP, lahat ng sundalo niya ay handang mamatay sa pagtatanggol ng Pilipinas laban sa Tsina. Naku, kailangan pa bang sabihin ‘yon? Bulaklak ng dila ang dating sa mga tao. Talagang nakalaan silang mamamatay dahil walang armas na panlaban.

Ginigiit ng Palasyo na tiwala kay Noynoy kaya nahalal ang siyam na senators ng Team PNoy. Teka. Kung totoo, eh, bakit lahat ng mga kandidato sa pagkagobernador na inindorsyo ni PNoy, tulad sa Cavite, Laguna, Pampanga, Pangasinan at Tarlac na mismong lalawigan ni Noynoy ay mga talunan? Nahan ang tiwala? Baka nasa Comelec hokus-Pcos machines?

Sa totoo lang, ang mga nahalal na senador sa Team PNoy ay totoong mga kilalang pangalan. Pera ng taxpayers na ginastos ng Malacañang ang nakatulong. Tatlong senador ng UNA ang nakalusot. Tig-isa ang tinaguriang Three Kings: Lady Binay, JV Estrada at Honasan.

Si Senador Frank Drilon ang malamang makahalili ni Sen. Juan Ponce Enrile as Senate President. May sariling bloke na ang LP at NP sa Senado, kasunod ng pag-uusap nina Drilon at Sen. Villar na pinuno ng NP.

UNA ang koalisyon na mangunguna sa pagbabagong tatag ng minority sa Senado. Abangan ang magiging galaw ng NPC, Lakas-NUCD at iba pang partido, segun sa mga magiging Committee Chairmen sa mataas na kapulungan ng kongreso. Sana sa balasahang nangyari, ang hangarin na mabuti ay hindi sumama pa sa dati.

Sabi ni PNoy, inaasahan niyang ang mga natulungang nanalong senador na nangako sa kaniya ay magpapakatotoo. Naku, malayong mangyari ‘yon. Pribelehiyo ng mga politiko ang hindi tumupad sa mga pangako. Ang mga pangako ba ni Noynoy noong 2010 ay natupad?

Sa tatlong taong nalalabi sa term ni PNoy tila wala nang pag-asa ang Cha-cha at ang Freedom of Information bill. Magkakaroon lang marahil ng mainitang debate tungkol sa FOI bill. Moro-moro at grandstanding lang ‘yon.

May kani-kaniya partidong kinaaaniban ang mga senador na dinatnan ng mga nanalo. Ang 2016 presidential elections ay krusyal sa LP. Paalis na si PNoy sa 2016 kaya kung mayroon man, mawawalan na rin ng bisa ang kaniyang kamandag. Binay’s coalition party ang malamang sabitan ng mga panike at balimbing na kongresista at senador.

Nakaraan na ang eleksyon. Asahang babawiin naman ng mga nanalong kandidato ang kanilang nagastos. Patuloy na magpapayaman sa kabila ng nadadagdagang bilang ng mga mahihirap?

Ang larangan ng Philippine agriculture ay malaon nang nagiging biktima ng noynoying. Foreign farmers ang natutulungan. Sila ang nagtutustos ng mga agricultural products sa Pinas, tulad ng bigas through importation and smuggling.

Maraming taktika ang DAR for delaying sa kaso ng mga magsasaka sa Hacienda Luisita. Pati ang Korte Suprema ay waring kinukondisyon. Naku, sino ba ang mga may-ari ng Hacienda?

Bakit pa kayo magtataka?

Simula sa ika-3 ng Hunyo, panibagong school year na naman ngayon sa Pilipinas. Pati mayayaman ay nagrereklamo na sa gastusin ng kanilang mga anak. Ang mga mahihirap na pamilya pa kaya? Maraming hindi na makakapag-aaral. Pati mayayamang mag-aaral na apektado naman ng kakulangan sa mga paaralan.

Katas

Heritage ay pamana. Higit sa lahat, alalahaning ang Pilipinas ay bansang pamana sa mga Filipino ng Diyos na makapangyarihan sa lahat.

Ginugunita natin dito ang pamana ng ating mga ninuno. Iba’t ibang kaugalian, kultura, wika, talino at iba pa na taglay ng mga Pilipino.

Tinataon ang pagdiriwang sa mga araw ng pagunita sa kalayaan ng Pilipinas na ika-12 ng Hunyo ng bawat taon. Ginugunita upang buhayin ang kasaysayan para sa ikabubuti ng pamayanan ng Filipino-Canadians.

Lahat halos ng bansa ay nagdiriwang ng kani-kanilang araw ng pamana. Dito sa Canada, Mayo ang Asian Heritage Month. Pinapupurihan ang iba’t ibang kulturang Asyano at pinahahalagahan ang kanilang mga nagawa at ambag ng Asian-Canadian sa Canada.

Have a comment on this article? Send us your feedback

Hunyo 16-30, 2013

Ni Paquito Rey Pacheco

Marami daw natutuwang mga kababayan sa balitang simula sa Enero 2014 ay ibabalik na ang pinigil na parents and grandparents sponsorships. Naku, basahin muna ang mga bagong requirements. Kung OK sa inyo baka ang iba ay madismaya.

Kahit saang angulo silipin, ang PST HIKE ay pahirap sa mga mamamayan ng Manitoba. Ang isyu ay mabraso kaya ng gobyernong NDP. Kung hindi, PC ang benepisyaryo. Hindi lang part time daily wage earners, pati full time street and office workers ay nagrereklamo.

Marami nang tanggapan ng Federal dito sa Manitoba ang nalilipat sa ibang lugar ng Canada. Bakit kaya ang gobyerno ni Greg Selinger eh waring tameme? Maraming trabaho ang nawawala dito.Ang ginagawa sa Manitoba ay parang pato. Binabawasan ang pakpak para hindi makalipad.

Tipid daw ang gobyernong Harper eh bakit kaya ang PM ay waring sinisikap maitago ang eskandalo sa pera? Iwas-pusoy tungkol sa living and travel expenses ng senador? Di ba may kasabihang, “Honesty is the best policy?” Akala ko dito sa Canada ang mga lider eh meron.

Pilipinas

Ang ika-115 Philippine Independence Celebration noong ika-12 ng kasalukuyan, ay katulad din ng mga nakaraan. Isang hungkag dahil pagdiriwang sa nagugutom at naghihirap na mga mamamayan.

Hindi na nga kailangan ang cha cha sa panahon ni Noynoy. Kasi, basta ginusto ni Kano, kahit labag sa Konstitusyon ay nangyayari. Ang kanilang boka-de-giyera na armado ng mga pinagbabawal na armas ay malayang pinapayagan.

Marami daw nagulat sa ibinalita ng National Statistical Conservation Board. Lumago ang Gross National Product for 1^st quarter sa hindi inaasahang 7.8 percent. Oo naman, pero ang Malacañang ay hindi nagugulat sa patuloy namang pagtaas sa bilang ng mga nawawalan ng trabaho at mga nagugutom?

Ang NSCB ay ahensya ng gobyerno. Noong nakaraang administrasyon, NEDA ang nagbabalitang gumaganda ang GNP. Ngayon, Noynoy is doing what Gloria did for propaganda? Palagay nang totoo, sino ang mga nakinabang? Hindi ang karaniwang tao?

Ibinalita ng Transparency International na sa 175 na bansang kurap, ang Pilipinas ay pang ika-105. Sa 5-Asean nation pang-apat naman, pang-huli ang Indonesya?

Anong kaunlaran ang pinalulutang ng gobyernong Aquino sa nakaraang 3-taon? Napigil ba ang pagdami ng mga mahihirap? Nawala ba ang mga kidnapan, patayan at kurakutan?

Sa mga oiled press release ay oo, subali’t ang higit na nakaaalam ng totoo ay ang mga tao.

Hayan, isang wake-up call. Dumausdos ang popularity ratings ng gobyernong Aquino sa nakaraang first quarter of the months, per SWS survey.

Maging, sa pag-akit ng foreign investors, ang pumasok sa bansa na $179 million dollars noong 2012 ay kabaligtaran daw ng nangyari ngayong 2013, ayon sa Bangko Sentral ng Pilipinas. Grasya ba ‘yon o nadisgrasya?

Humina noong nakaraang linggo ang purchasing power ng Philippine peso. Ang forty-three pesos kontra one-US dollar ay pabor sa padala ng mga nasa ibayong dagat. Dismayado naman ang importers ng mga produktong gamit ng nasa manufacturing sectors. Damay ang labour sector.

Ang gobyerno ay utang ng utang, pero ang public infrastructures ay napapabayaan. “Rated the poorest as if not second to the poor.” Ayon namn kay former Budget and Management Secretary Ben Diokno.

Hindi yata maiiwasan na makaranas ng kalungkutan ang mga naghahangad na makapag-tawid-dagat. Unti-unting nababawasan ang mga lugar na maaaring mapuntahan ng OFWs.

Malungkot ang mga Pinoy na kabilang sa 180,000 unregistered foreign workers na pinauwi sa kani-kanilang bansa. May 2-milyon pa ang bilang ng maaaring mapauwi sa susunod na 2-taon from Saudi Arabia, ayon sa reports.

Kailan kaya mawawala sa Pilipinas ang malinis na dayaan sa eleksyon? Tuwing halalan, mula’t sapol, may dayaan.

Ang pandaraya ay hindi lamang nangyayari kung eleksyon. Napapaikutan ang batas sa koleksiyon ng taxes through smuggling ng mga produkto.

Ibinalita ni Sen. Drilon na sabi daw ni Sen. Enrile ang UNA ay constructive opposition sa Senado. Naku, bale-wala rin ang balidong reklamo pagdating na sa “division of the house.” In short, bilangan ng boto. Ano ang ginagawa ng pork barrel?

Hindi na nga kailangan ngayon ang Legislative, Executive Development Advisory Council (LEDAC). Ang dalawang kapulungan ng kongreso ay hawak na ni PNoy sa leeg. Rubber stamp na ng Malacañang. Lahat ng panukalang batas na gusto niya ay tiyak mapagtitibay.

Wala daw bahid o mantsa ng kurakutan ang 3-years sa 6-years na term ni PNoy, ayon sa isang columnist. Aba, ‘yong balitang mahigit sa 30 percent ng pumapasok na mga produkto sa bansa sa pamamagitan ng palusot, di ba corruption yon? Ang mga kurap na opisyal ay hindi matagtag sa puwesto.

Katas

Matupad kaya ni PNoy ang kaniyang mga pinangako sa panahon ng kampanya nitong nakaraang 2013 congressional and local elections? Pangunahin ang solusyon sa poverty alleviation at job creations.

Hawak na ng Malacañang sa leeg ang lehislatura. Lahat ng bills na gugustuhin ni PNoy ay tiyak na magiging batas.
Malaking pondo ng gobyerno ang nagastos sa nakaraang eleksyon. Kailangan ang panibagong financial support.
Marahil puntirya na naman ang mangungutang mula sa mga dayuhang institusyon.
Segurista ang mga mamumuhunan. Ang mga dayuhang investor ay nag-aalisan. Atubili naman ang mga pangakong magtatayo ng mga negosyo dahil sa umiiral na iba’t ibang uri ng karahasan bansa?
Ang paghahanda sa 2016 presidential elections ay maaaring makaagaw ng eksena sa mga pangakong changes ni PNoy sa kaniyang mga boss.
Pangakong ipamamana na lang sa susunod na administrasyon.

Have a comment on this article? Send us your feedback

Hulyo 1-15, 2013

Ni Paquito Rey Pacheco

Muling bubuksan sa January 2014 ang sinuspindeng parents and grandparents sponsorship program. Napakasikip ang pintuang pagdadaanan. Filipino-Canadians dito sa Manitoba at sa ibang probinsya ay waring natutulog.

Tanong: Bakit walang nationwide protests na naririnig gayong ang binagong mga patakaran ay hitik sa kasinungalingan?

Marami nang naghahanda, bagama’t hindi gaanong batid ang mahigpit na requirements. Mula sa dating humigit- kumulang na 35 libong applicant ang pinapayagan, limang libo lamang applications ang tututukan kada taon.

Tanong: Sabi noon ng Immigration Minister ay hindi mababago ang pinairal na mga patakaran noong 2006 hanggang 2010 nang isuspinde ang program. Bakit naiba ngayon?

Limang libo ang kota kada taon na tatanggaping landed immigrants. Bubuksan nga ang pintuan, ang makakalampas lamang, eh, ‘yong mga may-perang makakatugon sa mahigpit na kahingian.

Tanong: Hindi ba ang pinahihirapan ay mga landed immigrants na nagsidating dito nang wala pang limang taong walang gaanong ipon?

Dinagdagan ng 10 taon pa ang dating sponsorship requirements. Napakahigpit na ang patakarang paiiralin ngayon kumpara sa dating Canadian policy on family unification.

Tanong: Hihintayin na lang bang ipatupad ang mga binagong patakaran bago punahin ang mga hindi makataong pagtrato ng gobyernong Harper tungkol sa isyung ito sa immigration?

Maraming pang mga binagong patakaran ang Canada sa pagtanggap ng prospective immigrants. Limitado ang pagtanggap ng applications. Ang larangan ng skilled workers ay naging 24 na lamang at hanggang 300 applications ang tatanggapin kada taon.

Hindi nga ginalaw ang tatlong ibong applications yearly for registered nurses. Lakad pagong naman ang processing ng applications. Walang iniwan sa water containers para sa mga nauuhaw. Patak-patak lang ang tulo ng gripo.

Hoy, Fil-Canadian Associations. Gising.

Sa politika, tablado ang NDP at PC sa Winnipeg na bawarte ng Selinger government, kung ang eleksiyon ay hinanap noong ika-14 ng Abril, ayon sa polls.

Pilipinas

Gugunitain sa ika-4 ng kasalukuyang buwan ang Philippine-US Friendship Day kasabay sa pagdiriwang ng US Independence Day, dating kasabay ng Philippine Commonwealth Independence Day celebration.

Lumalala ang territorial dispute ng Pilipinas at Tsina sa West Philippine Sea o South Cina Sea. Matigas na sinabi ni PNoy, “We will not back down” sa ginagawang pananakot ng China. Ah, “mamatay nang dahil sa’yo?” Ewan.

Naku, anong klase ng kalayaan mayroon ang mga Pinoy sa sariling bayan? Economic and Political independence ang tunay. Kalayaan lamang sa pamamahala mayoon. Inabuso naman ng mga umuugit ng gobyerno.

Pagkaraan ng halos tatlong taon ng gobyernong Aquino, lumutang ang katotohanan. Ang magandang mga binabalita ay nasapawan ng pangit. Nagtaasan ang presyo ng bilihin at iba pang mga pangunahing kailangan ng mga tao.

Bagsak ang stock market. Bumaba ang purchasing power ng piso, na ang tinamaan ay export at import ng mga produkto. Bumaba ang halaga ng mga remittances ng OFWs. Lalong dumami ang bilang ng mga walang trabaho.

Teka, Iba na pala and sideline ng mga DFA at DoL officials sa Gitnang Silangan. Bugaw. Nagpapatakbo ng “sex-for-ticket” ng OFWs prostitution ring, ayon kay Rep. Waren Bello.

Sana imungkahi na lang ng Lady Gaga sa kaniyang boss na italikod na lang sa pader at gawing target practice ni PNoy ang mga makabagong bugaw.

Pinag-uusapan na ang realignment ng multi-party political system sa bansa for 2016 presidential elections. Malamang maging four-corner derby. Binay-Jinggoy, Mar-Chiz, Villar-Poe at Bongong-Bong.

Katas

Sa nakaraang tatlong taon ng gobyernong Aquino, ano bang tagumpay ang maipinagmamalaki ng kaniyang administrasyon?

Nabawasan ba ang bilang ng mga naghihirap? Hindi; lalong dumami.
Nadagdagan ba ang bilang ng mga may trabaho? Hindi rin.
Napigil ba ang mga nangyayaring iba’t ibang uri ng karahasan? No.
Hindi ba kabaligtaran ang nangyari sa foreign investors campaign? Yes; ang mga nasa Pilipinas ay nag-alisan pa nga.
Napaunlad ba ang larangan ng agrikultura at industriya? Hindi. Ano na ang nangyari sa Hacienda Luisita?
Ang corruption ay hindi ba laganap pa rin sa iba’t ibang ahensya ng gobyerno? Ang smuggling ng mga produkto napigil ba?
Dinatnang utang ng gobyerno, sa halip mabawasan, di ba nadagdagan pa?

Ang tuwid na daan na iiwan ni PNoy ay maaaring manatiling baku-bako.

Have a comment on this article? Send us your feedback

Hulyo 16-31, 2013

Ni Paquito Rey Pacheco

Naghahanap na raw ng bagong lider ang Manitoba Liberal Party. Dapat lang. Mahabang panahong nakatulog. Kailangang ang mapipili ay may Sharon Carstair’s magic.

Patuloy ang pagdausdos ng provincial NDP’s popularity sa Winnipeg na kanilang balwarte, ayon sa polls. Pinilit na eight percent Provincial Sales Tax (PST) ang pangunahing nakapagdulot ng negatibong epekto.

Sinira daw kasi nila ang pangakong increase in provincial sales taxes ay dadaanin muna sa isang public vote.

Tinaasan ng Manitoba NDP ang PST, samantalang ang gobyerno sa Ottawa has lowered taxes partikular for new machines and equipment bilang suporta sa manufacturing business.

Feedback

Kaka, sa isyu ng immigration na sinabi mo, hindi Pilantik lang ang dapat sa mga Filipino-Canadian Associations. Manhid na ang kanilang katawan. Magrereklamo kung pinatutupad na ang mahigpit at hindi maka-taong bagong mga patakaran. – Pahatid ng ayaw magpabanggit ng pangalan.

Mahaba ang e-mail ni Mr. Rudy Mendoza. Ang buod ay “lagi niyang hinahanap ang Pilipino Express sa mga Filipino stores. Nilalaman ng Pilantik ang kaniyang interes.”

Hinahangad na “lumawig pa ang aking panananaw.” Maraming salamat po. Kung walang Pilipino Express, eh, walang Pilantik.

Pilipinas

Dagdag na pagbale-wala sa 1987 Philippine Constitution na pinagtibay sa panahon ni Tita Cory, ang plano ng kaniyang anak. Sundin ang kagustuhan ng Washington.

Amyendahan muna ang VFA para maiwasang mabastos ang Konstitusyon.

Sabi ni Gen. Gasmin. “PHL can’t stand alone.” Totoo ‘yon, pero huwag namang isangkalan ang girian sa Spratly Islands. Sa Chess, pawn lang kayo ng Pentagon.

“Palalakasin ang PAF,” sabi ni PNoy. Pupurihin ba siya ng China? Sana manahimik na lang. Saan manggagaling ang pera? Bibigyan ba kayo ni Barack, eh, hindi pa nakakaahon sa financial problems ang Amerika.

Pabagu-bagong mga patakaran ng gobyerno sa pangkabuhayan, red tape at peace and order ang mga pangunahing dahilan kaya atubiling mamuhunan sa bansa ang foreign investors.

Windang na pamamahala ang sanhi ng dinaranas na kahirapan ng maraming hikahos ang buhay; hindi dahil sa Konstitusyon. Luwagan man ang economic provisions ng Saligang Batas, wait and see pa rin ang mga dayuhang kapitalista.

Plano ng Gobyernong Aquino na dagdagan ng 2.2 trillion pesos ang 2014 budget. Malamang mang-utang na naman. Ayon sa mga pag-aaral, “CCT can’t solve poverty.” Bakit kailangang dagdagan pa ang pondo sa ahensya ni Ms Soliman? That’s waste of money.

Ang lawak ng corruption sa Pilipinas na ibinalita ng Transparency International Global Survey is only perceptions, ayon kay Presidential Spokesperson, Edwin Lacierda. Ha?

Naku, baka ang balitang si Noynoy ay honest ang pandama. Kasi, alam ng mga tao na ang pork barrel ay ugat ng corruption. Noong ang kaniyang bossing ay congressman at senador, hindi ba siya tumanggap ng karneng baboy? Nagtatanong lang po.

Sampung milyong kababayan ang target ni PNoy na makalaya sa kuko ng kahirapan sa loob ng natitirang tatlong taon ng kaniyang administrasyon. Ang plano ay pangako. Natupad ba ang kaniyang mga pinangako sa panahon ng kampanya noong 2010?

Ang kampanya laban sa corruption ay magpapatuloy, ayon sa mga nasa Palasyo. Teka, paano ang peace and order? Pababayaan na lang ba?

Saan napunta ang mga perang nakumpiska sa mga Ampatuan noong 2009? Nagamit kaya sa nakaraang eleksiyon?

Management 101: Huwag hiyain ang empleyado sa harap ng maraming tao. Dapat tawagin sa isang kuwarto at doon upakan. Sa mga chu-chuwa, ok ang ginawa ni Noynoy sa hepe ng NIA. Hindi ‘yon grandstanding and propaganda?

Sabagay, hindi naman lahat, pero karaniwang gayon ang trato ng amo sa kanilang mga katulong. Ang kinalakihan ay dala hanggang sa katandaan.

Binukya agad-agad ng Malacañang ang alegasyong si presidential sister Balsy Aquino at husband Eldon Cruz ay nangingikil daw ng pera sa isang transportation company sa Czech Republic. Aba, “what are we in power for?”

Noong panahon ni Tita Cory ay nabalita ang “Kamag-anak Inc.” “Sisters Inc.” naman ba ngayon? Marami nga ang hindi naniniwala kasi mayaman na sila at dinidiyos ang kanilang angkan.

Sa 2016 presidential elections, sana magkaroon na ng aral ang mga bumoboto. Huwag nang maghalal ng pangulo dahil lang may namatay na nearest relative. Sabi ng mga kritiko, “popular nga pero ano ang nangyari sa bansa?”

Ang mga binoboto ba sa puwesto ay tunay na kinakatawan ang kalagayan ng mga tao o ang kanila lamang sariling interest at ibang mga espesyal na tao?

Halatang desidido si Bongbong Marcos na sumabak sa 2016 presidential elections. Sabi ni Sen. Villar, “too early for the plan.” Naku, marahil interesado din siya. Aba, may kasabihang “daig ng maagap ang masipag.” Magugunitang ang “masipag” na Villar ay natalo ng “maagap” na Noynoy at Erap noong 2010 presidential elactions.

Katas

Inaabangan ngayon ang SONA ni PNoy. Makatotohanan kaya o pantasya?

Ano ang nagawa ng administrasyon sa nakaraang tatlong taon?

Pangunahin ang tungkol sa kabuhayan, peace-and-order and corruption?
Nabawasan o nadagdagan ang kaso ng extra-judicial killings?
Ano na ang latest sa Bansa Moro peace agreement at close-open peace talks sa CPP-NPA?
Ang Hacienda Luisita case ay gayon din. Waring biktima ng noynoying?

Sana iwasan ang mga patutsada against China. Huwag ipangahas at asahan ang tulong na maaaring maipagkaloob ng Amerika.

Have a comment on this article? Send us your feedback

Agosto 1-15, 2013

Ni Paquito Rey Pacheco

Sa wakas ay may makakausap na daw ang mga Filipino landed immigrant for visa and passport processing renewal sa probinsya. Pabor din sa Filipino-Canadians na nangangailangan ng documentary services at iba pang kaugnay na kailangan ang tulong.

Maligayang bati kay G. Orlando Marcelino na nagbalita dito sa Pilipino Express na siya ang Honorary Consul General-Designate for Manitoba. Gayun din kay G. Rolando Opina as Honorary Consul-Designate for Tourism. Good luck sa kanilang dalawa.

Rewind: May three years nang walang Honorary Consul sa Manitoba mula nang magbitiw si Mrs. Edda Pangilinan. Nagkaroon ng malaking problema lalo na sa passport renewal.

Ang Filipino-Canadian Breakfast Council ay nagpadala ng resulusyon noong October 2012 sa Malacañang. Hinihiling ang madaliang paghirang ng Honorary Consul sa Manitoba. Kagya’t namang may aksiyon ang tanggapan ng Presidente. Pinadala kaagad sa Dept of Foreign Affairs. Pag-aralan at matugunan sa lalong madaling panahon.

Sa DFA nangyari ang noynoying sanhi sa banggaan ng mga may bata-bata. Inabot ng 9-months bago nagkaroon ng aksiyon. Thanks but no thanks para sa lakad-pagong na desisyon.

Abangan kung ang bagong Immigration and Citizenship Minister, Chris Alexander ay may gagawing mga pagbabago na pamana sa kaniya ni Jason Kenny. Pangunahin ang mabigat na requirements sa ibinalik na parents-grandparents sponsorship programs simula sa ika-2 ng Enero 2014.

English requirement is really a priority for PNP programs? ‘Yon bang mga nakarating dito noon na nakakaintindi kahit hindi gaanong bihasa sa conversational English eh nadehado sa trabaho? Hindi. Inaamin ng gobyerno na malaki ang naging ambag nila sa paglago ng Canadian economy, di ba? Eh bakit hindi pa sapat ang nagtapos ng 4-year course na English ang ginamit?

Feedback

Ang e-mail ni Mr. Rey Lim ay tungkol sa Pork Barrel scam. Ang buod ay:

“Kaka, sana po matalakay n’yo po ang tungkol sa plunder at political dynasty sa bansa. Sinusubaybayan ko po palagi. Sana magpatuloy po kayo.” – Maraming salamat po Mr. Lim sa inyong pagsubaybay sa Pilipino Express.

Simula ngayong Agosto, ang US Green Card holders ay maaari nang makapagpetisyon sa kani-kanilang asawa, at minor children. Maaari na ding makapaghain ang bagong petisyon for adjustments of status na kailangan sa kanilang kahilingan.

Pilipinas

Ang patutsadahan ng Pilipinas at Tsina sana ay manatili na lamang sa word-war. At the end, hindi giyera. Nawa’y magkaroon ng maayos na solusyon ang resulta ng sinimulang UN arbitration processes on Phl-China Sea dispute.

Sakaling payagan ng gobyernong Aquino na makapamalagi ang US and Japan military forces sa Pilipinas, malalagay sa panganib ang buhay ng maraming Pilipino kapag patuloy na nag-alboroto ang China.

Hindi basta basta maaawat ang patuloy na global financial crisis. Binalita ng mga eksperto na lalo pang magiging malubha sa taong ito.Nananaginip ang gobyernong Aquino sa palagay na no effect sa ekonomiya ng Pilipinas?

Binuhay ang Cha Cha sa Kapulungan ng mga kongresista. Amyenda daw sa economic provisions ng Konstitusyon. Luluwagan ang pagpasok ng foreign investors sa bansa. Makapagbibigay daw ng trabaho? Ano ang katiyakang makakakita ng foreign investors? Ang nangyaring pagsabog sa Cagayan de Oro ay salamin ng peace and order situations sa bansa?

Si Noynoy ay hindi nag-iisa. Maraming mga elected officials, ayaw maalis ang pork barrel na ugat ng katiwalian at corruption. Siya ang kingpin na tagapamahagi ng “karneng baboy.” Ginagamit na panuhol sa mga kongresista at senador. “Pork Chop” ang tawag sa komisyon na natatanggap ng mga kagawad ng Kongreso mula sa mga pekeng non-government organizations.

Napakinggan at nabasa ng marami noong ika-22 ng Hulyo ang 1-hour 45 ninutes na ika-apat na SONA ni PNoy. Tinuntungan ang balikat ng kaniyang mga sariling tauhan para siya sumikat. Walang banggit tungkol sa 10 billon pesos pork barrel scandal. Lol. Aba, 9 beses inasal ng ubo. Wala daw namang poblema, sabi ni Health Secretary Ona.

Ang haba ng dakdak, short in performance ang kaniyang goberno. Hindi nasabi sa kaniyang mga boss kung saan dadalhin ang kinabukasan ng Pilipinas. Sabagay, hindi na kailangan. Manhid na ang mga tao sa balitang bumuti ang ekonomiya sa nakaraang 3-years na mayayaman ang nakinabang.

Hindi natupad ang kaniyang mga pinangako noong 2010. Marami ang walang pera na pambili ng pagkain. Lalong naging grabe ang unemployment situations sa Pilipinas. Kulelat pa rin, kumpara sa mga bansa sa Asia, ayon sa survey.

Sabi pa ni PNoy, “Masarap maging Pilipino sa taong ito”. Naku masarap ba ang buhay ng walang mapasukang trabaho? Maraming gumagastos ng malaking halaga para tumawid sa ibayong dagat.

Nag-leave of absence si MRT Manager Al Vitangcol na sinasangkot ng Czech Ambassador sa alegasyong tangkang kikilan ng mga opisyal ng DOTC ang Czech Inekon Transportation ng $30 million. Kapalit daw ng supply of trains for MRT expansion project?

Si Mar Roxas na siyang DOTC Secretary noong 2012 ang nagtalaga kay Vitangcol. Pinanatili sa posisyon ni Sec. Joseph Emilio Abaya na humalili kay Mar. Nakalimutan ba o sinadya ni PNoy na hindi isama sa kaniyang SONA-kastigo ang pinaputok na alegasyong anomalya ng Czech Ambassador sa Pilipinas na sinasangkot ang kaniyang kapatid na Ballsy at kabiyak na Eldon Cruz?

Si Danny Lim naman, BOC Deputy Director ay nag-ala-Biazon. Nag-resign, tapos hindi na pala? Kapuwa kapal-muks ang dalawang ito pati si Deputy Director Tañada. Sinabi pang may powerful forces sa Customs. Backed up by elective officials, Cabinet members at nagpapanggap na relatives ng mga nasa Palasyo. Ang nangyari ay takipan na lang dahil sa BoC, bakit kaya?

Katas

Cha cha ang unang petisyon na hinain ni Speaker Belmonte sa simula ng 16^th Congress.

Ang layunin daw ay masusugan ang economic provision ng 1987 Cory Constitution.

Luluwagan ang batas para makapasok ang mga foreign investors. Magbibigay daw ng pagkakataon sa mga tao na magkaroon ng mapapasukang trabaho.
Ibinalita ng presidential spokesperson na ang cha cha ay wala daw sa mga priority ni PNoy.
Maraming senador ang tutol. Mabubuksan daw ang pintuan na mabago ang sistema ng gobyerno. From presidential, for a parliamentary form of government. Maaari nga namang mawala ang Senado.

Naku, malamang “mintis ang pa-putok?”

Have a comment on this article? Send us your feedback

Agosto 16-31, 2013

Ni Paquito Rey Pacheco

Hindi maganda ang nagiging pangitain sa taunang Folklorama. Hindi na katulad ng mga nakakaraan. Unti-unting nagiging manipis na ngayon ang mga taong nagkakaroon ng interes manood. Kulang kaya sa promosyon o pinagsawaan na? Ang pangyayari ay isang wake-up call sa gobyerno ng Manitoba.

Malaking perang tulong sa kabuhayan ng ating bansang sinilangan ang magagastos ng mga balikbayan. Kaso, kahit sa passport renewal lang, eh, may malaking problema. Bakit hindi magtalaga ng kahit isang opisyal ng Philippine Consulate sa Toronto. Say twice a month na pupunta dito?

Ang Honorary Consul General office dito, sa aking palagay ay nakahanda namang tumulong para mapabilis lamang ang proseso?

Feedback

Buod ng e-mail ni G. Eduardo Yasay. “Sa inyong Pilantik, may Honorary Consul General na dito sa Manitoba. Puwede na pong mag-renew ng passport dito? Saan ang office at kailan magsisimula? More power po sa Pilantik.” Nang sinusulat ko po ito ay wala pa rin akong ideya. Tiyak malalaman din ninyo dito sa Pilipino Express. Maraming salamat po.

Dumadami ang bilang ng US immigrant sa Canada, umuunti naman ang Canadians na naninirahan sa Amerika.

Pilipinas

Planong buhayin ang Subic as military base ay maliwanag na mensahe to accommodate US and Japan military forces. Ang hakbang ng gobyernong Aquino ay lalong magpapainit sa relasyon ng Pilipinas at China.

Hindi lang ‘yon. Ang Pilipinas ay hindi malayong isa sa maging target ng Al Qeada. Mismong ayon sa intelligence reports ng US State Department ay planong umatake sa mga lugar na may US interest.

Naku, ang pangalawang warship na tinanggap ng Philippine Navy to defend the country’s water ay provocative. Hindi dapat ipagmalaki ni PNoy. Pagtatawanan lang ‘yon ng China. Ang istorya ng David and Goliath ay minsan lang nangyari at imposibleng maulit.

Maraming perang nakapaloob sa tourism industry. Maraming pook sa Pilipinas na higit magaganda kaysa ibang bansa. Pangunahing problema ang kalagayan ng peace and order sa bansa. Ayon sa World Tourism report, ang Pilipinas ay kulelat sa Malaysia, Thailand, Indonesia at Vietnam.

Binubuhay na naman ni Speaker Belmonte ang Cha Cha. Wala naman daw signal from Malacañang. Naku, parang drama. Kasi, mismong si PNoy ang nagsabing masarap ang maging pangulo. Hindi kaya extension ng panunungkulan ni Noynoy ang motibo?

Ayon sa mga kritiko, pataas ang binugang laway ni PNoy sa kaniyang ika-apat na SONA. Buwelta din sa mukha ng kaniyang pamamahala.

“Kung walang kurap, walang mahirap,” sabi ni PNoy. Aba, nadagdagan ang bilang ng mga mahihirap sa loob ng nakaraang tatlong taon. Eh, kung gayon, mas maraming kurap ngayon kumpara sa panahon ng Gloria administration.

Bakit binukya ng kongreso ang congressional investigation sa pork barrel scam? Natatakot ba silang ang corruption trail ay makarating sa pintuan ng Malacañang?

Sanhi ng mga alegasyong nababanggit ang pangalan ng relatives ni Noynoy sa DOTC transactions, maraming buhok ng pangulo ang kusang malalaglag. Kahit walang pruweba at malinis ang kanilang pangalan, ang bintang ay mag-iiwan pa rin ng malaking bukol sa pamamahala ni Noynoy.

Ang BoC ay isa pang ahensya na hindi magpapahimbing ng tulog sa pangulo. Sinabi mismo ni Noynoy sa mga opisyal na “saan kayo kumuha ng kapal ng mukha?” Aba, sino ba ang pumili sa kanila? Bakit pinayagan pang manatili doon ang mga walang delicadeza? Si Biazon ay trust pa rin daw ni PNoy. Buti na lang kapartido. Kung hindi, baka sinabing trash.

Gen. Danny Lim ang unang nagbunyag na “may malalakas na backer ang sindikato sa BoC na ang padrino ay sangkot ang mga tauhan sa Palasyo.” Tinanggap na ni PNoy ang resignation ni Lim. Bibigyan daw ng ibang puwesto. Ang kaniyang binunyag ay waring dagdag na asin sa sugat ng Custom na planong magamot ng Malacañang. Kung may delicadeza ang heneral hindi na niya dapat tumanggap ng ano mang puwesto.

Sabi nga ni Sen. Sonny Trillanes, marahil alam ng Pangulo ang benefactors ng sindikato sa Customs. Oo naman. Sa loob ng nakaraang tatlong taon ay hindi nasupil ang smuggling ng mga produkto mula sa bawang, sebuyas, bigas langis, atbp. Hindi naman manhid ang katawan ng presidente. Bihira ang maniniwalang hindi niya alam ‘yon.

Bidding pa lang sa train coach supplier, eh, marami na ang nasasagasaan. Hindi lang mga relative ni PNoy at cronies. Pati mga opisyal ng DOTC mula pa sa panahon ni Mar Roxas at ngayon ay hagip si Sec. Joseph Emilio “Jun” Abaya na humalili kay Mar.

Inamin mismo ni Noynoy na dahil sa corruption, ang gobyerno ay nawawalan ng 200 billion pesos kada taon, tulad ng nangyayari sa BOC. Sa halos tatlong taon ng kaniyang pamamahala 600 billion ang nawala sa gobyerno dahil sa kaniyang piniling mga palpak na opisyal.

Buti pa raw akuin na ni Noynoy ang pananagutan sa mga nangyayaring kapalpakan sa gobyerno, partikular ang isyu sa corruption. Hindi sulusyon sa problema ang kaniyang paninisi sa iba na siya mismo ang nagtalaga. Bakit hindi niya mapalitan? Marami pa naman ang umano’y naniniwala sa kaniya?

Umatras ang Malacañang sa planong ma-control ang pork barrel ng mga kongresista at senador. May posibilidad kasi na ang pambansang budget ay hindi makapasa. Nanganganib pa rin ang liderato nina Belmonte at Drilon sa mababa at mataas na kapulungan ng Kongreso. Give and take at horse trading ang laro ngayon ng Malacañang at Kongreso.

Kahit halatang pinipili ng Malacañang ang inaakusahang mga kongresista at senador sa pork barrel scam, dawit din ang departamentong nagpapalabas ng “karneng baboy.” Ang tawag ng mga kritiko sa komisyon ng mga lehislador ay pork chop.

Katas

Tama ang pamutak ni PNoy na “kung walang corrupt, walang mahirap.” Subalit sa nakalipas na three years ng kaniyang gobyerno, ano ang nangyari?

Nadagdagan ang bilang ng mga mahihirap, dahil maraming corrupt.
Ang pork barrel na ugat ng corruption ay hindi mabitiwan ni Noynoy. Nagagamit kasi niya ang “karneng baboy” tulad sa impeachment ni former CJ Renato Corona at sa pagpapatibay ng RH Law.
Hindi ba totoo ang DoTC extortion story? Nakaladkad pati pangalan ng relatives ni Noynoy.
Ayon sa balita, ang Czech ambassador na si Joseph Rychtar sa simula pa lang lumutang ang pangalan ng mag-asawang Ballsy Aquino-Cruz at Eldon ay sumulat na kay PNoy clearing their names sa nabalitang transaksiyon.
May tangkang kikilan daw ng mga lider at opisyal ng BOTC at NRT-3 ng $30 million ang Inekon’s Czech Transportation Co. Natawaran daw naman at naging $2.5 million na lamang.
Si PNoy mismo ang nagbunyag ng nagaganap na mga palusot sa BoC. Pinanatili pa rin niya si Raffy Biazon na siyang responsible at naging pabaya sa kaniyang katungkulan sa loob ng nakaraang tatlong taon.

Hindi ba totoo na kaya ngayon ay “maraming mahirap dahil maraming corrupt?

Have a comment on this article? Send us your feedback

Setyembre 1-15, 2013

Ni Paquito Rey Pacheco

Maayos at maganda ang pangalawang Manitoba Filipino Street Festival noong ika-24 ng Agosto. Papuri at salamat sa mga namahala. Sa kabila ng lahat, hindi naman nawala ang pintas mula sa mga gustong pumapel at hangad maging bida. Normal lang ‘yon.

Sa dami ng nagsidalo, waring ngayon lang naulit na ang ating mga kababayan ay nagkaisa. Una ‘yong insidente noong 1993 sa Super Value. Pangalawa, ngayon. Tunay na kalayaan at pagkakaisang ipinakita ng ating mga kababayan. Ginastusan ang mga ginamit na kasuotan. Ang iba ay binalikat ng kani-kanilang asosasyon. Nagsisama sa parada. Higit sanang magiging makulay ang ginugunitang Philippine Heritage Week taun-taon dito kung ang Street Festival ay bahagi ng selebrasyon.

Noong unang pagbisita dito sa Winnipeg ni Ambassador Leslie Gatan, sinabi niya sa aming mga lokal na kagawad ng media na, “Ang Pilipinas, in one or two years will export, not import any more ng bigas.” Natangay kasi siya ng hanging sinabi din ni PNoy noong unang bumisita sa US at sarap na sarap kumain ng hotdog sa sidewalk. Ngayon, nahan ang sinasabi nilang rice self-sufficiency? Nagbibilang kasi ng sisiw, hindi pa napipisa ang itlog.

Feedback

Kaka, ang gobyerno ni Greg Selinger ay waring nahuhumaling makalikom ng pera. Sa PST lang marami nang nagreklamo. Ngayon ay nabalitang pati funeral homes ay planong dagdagan ang tax. Siyempre, ipapasa ‘yon ng funeral home sa mga naulila.

Naku, kapag tinuluyan, hindi nga po malayong ang kasalukuyang Manitoba government, eh, malibing two years from now.

Galit nga ang mga tao, pero ang kompiyansang suporta sa PC ay maaaring manlamig. Posibleng maging dahilan din na ang kanilang partido ay muling mangamote.

Ang provincial LP naman ay walang iniwan sa nalantang gulay. Nakatakda next month ang pagpili ng magiging lider. Wala pa ring lumulutang na may kakayahang mapagkaisa at makapagpapasigla sa partido.

Pilipinas

Kung tatlong taon lang, hindi maibabalik sa dating kalagayan ang negatibong epekto sa kabuhayang pambansa ng nangyaring malawakang pagbaha sa Metro-Manila at iba pang bahagi ng bansa.

Ang mensahe ng Million People March sa Manila’s Rizal Park vs. pork barrel noong ika-26 ng Agosto ay dilim na nagbabanta sa tuwid na daan ni PNoy. Hindi man umabot ng milyon ang nakiisa sa protesta, ngunit waring maliit na apoy na pinagmumulan ng malaking sunog.

Biglang nagsagawa ng press conference si PNoy na ang layon ay ma-highjack ang protesta ng mga mamamayan vs. pork barrel. Sinabing wala na raw PDAP. Marahil maraming naniwala kaya ang ibang may planong makiisa ay hindi nakiisa.

Aba, papalitan lang pala ang pangalan. Close-open ang mekanismong ipapalit sa paglustay ng taxpayers money. Aalisin sa mga kongresista at senador ang 25 billion pesos na pork barrel. Ililipat sa mga kagawad ng kaniyang gabinete.

Sabi ng spokesperson ni PNoy, “the Aquino government was on the side of the protesters.” Sinupalpal naman ng mga organizers, sinabing, “Mr. President, you are not on our side.” Oo naman. Kasi alam ng maraming tao na 50 per cent ng yearly national budget ay hawak ng pangulo na ang persepsiyon ay pork barrel pa rin.

Ang mga boss ni Noynoy ay maaaring madenggoy sa una at pangalawa. Sa pangatlo baka hindi mapigil ng mga nasa palasyo ang gulo. Sabagay, nariyan si Kano. Baka ulitin ang kanilang suporta sa anak ni Tita Cory.

Palundag-lundag ang patakaran ng gobyernong Aquino sa hangaring magkaroon ng kapayapaan sa Mindano. Ang pagbale-wala sa MNLF at iba pang pangkat ay malamang makasira sa pangarap na peace process. Malabong matapos ang gulo doon kung sa MILF lamang nakikipag-usap.

Pinagbigyan naman ng Aquino government ang mga sundalong Kano na makalabas-masok sa Pilipinas, bakit kailangan pang magdrama? Mapipigil ba ng US ang paghahari-harian ng Tsina sa South China Sea? Nakahanda ba ang US na makipag-giyera sa China na kung saan ang Amerika ay nakabaon sa utang?

Napasok na ng Tsina halos lahat ng fishing ground ng mga Pinoy. Mapapaalis ba ng mga sundalong Kano ang Chinese vessels doon? Malabo.

Hindi babaho na katulad ngayon ang kapulungan ng mga kongresista at senador dulot ng pork barrel, kung maraming Ping Lacson sa kongreso. Marahil ang nasa isip ni Ping ngayon, “I told you so!”

Independent body ang nararapat mag-imbestiga sa pork barrel scam. Lutong-makaw kung ang mga ahensyang nasa ilalim ng presidential umbrella ang papapel.

Sa 2014 budget, eh, lalong nadagdagan ang lump trust funds ng Malacañang. Kasama ang 20 bilyong pisong tuwirang ipamamahagi sa Local Government Units. Si Mar Roxas ang mamamahala sa pagkakaloob ng pera. Maliwanag ang mensahe. Karneng baboy ang isusubo sa mga tao for the 2016 presidential elections. May katwirang manlaki ang mga mata ng UNA.

Marahil maaalala ngayon at maraming magtatanong kung magkanong karneng baboy ang ibinigay ni PNoy sa mga senador kaya napatalsik si former CJ Renato Corona sa Korte Suprema. Magkano rin kaniyang halaga ang tinanggap ng mga kongresista at senador na sumuporta sa controversial Reproductive Health Law? Ang karamihan ng nasa media sa Pilipinas ay puro kuwento, nasa envelop ang kuwenta.

Unti-unting nawawala sa radar ng media ang nabalitang alegasyong kikilan sa subasta ng MRT-3 trains mula sa isang Czech transportation company. Natangay na ba ng baha? Matagpuan sana upang mahingan ng paliwanag ang Czech ambassador at DOTC Sec. Abaya. Ang tuwid na daan ni Noynoy ay baluktot na sa mata ng maraming tao.

Sobra ang perang suporta ng gobyerno sa RH Law. Samantalang ang proteksiyon sa mga batang buhay ay kakapatak. Maraming namamatay kahit karaniwang sakit lamang.

Sabi ni PNoy, “Those who do not perform their job must not remain in office.” Dapat naman. Eh, bakit hindi niya mapalitan sina Biazon at kaniyang kasamang officials sa BoC? Almost three years silang naroon, tuloy pa rin ang smuggling sa tuwid na daan.

Katas

Maraming naniniwala na si BS Aquino III ay honest and corruption free. Sa pinalabas na COA report, bakit ang saklaw lamang ay ang years 2007 to 2009? Iniwasan ba ang 2010-2012 ng gobyernong Aquino?

Hindi ba lahat ng LP members during Gloria’s administration ay tumatanggap din ng pork barrel noong 2004-2006?
Nang mabunyag ang “Hello Garci” election scandal noong 2004 lamang kumalas kay Gloria ang Aquino, Drilon, Roxas at black & white movement.
Ginantihan ni Gloria through the Department of Agarian Reform ang mga Aquino. Kinansela ang Cory’s stock options sa Hacienda Luisita.
Pinatupad naman iyon ni former CJ Renato Corona, kaya siya napag-initan ni PNoy at naging collateral damage ng Korte Suprema.
Halos kalahati ng pambansang budget sa bawat taon ay hawak ng presidente.

Have a comment on this article? Send us your feedback

Setyembre 16-30, 2013

Ni Paquito Rey Pacheco

Sa pamamagitan lamang ng online applications ang tatanggapin ngayon by both federal and Manitoba Nominee Program for Immigration. Ang butas na pagdadaanan ay walang iniwan sa butas ng karayom. Suwerte ang mapalibang sa limang libong kailangan lamang ng Canada sa bawat taon.

Ang opinyon ng mga taong tinatanong ng mga nagsasagawa ng political survey dito sa Canada at partikular sa Manitoba ay hindi hundred percent totoo. Katulad ng kotse, dahil may gasoline akala ay tiyak nang tatakbo. Linya pala ay barado.

Feedback

Maraming phone calls ang natatanggap ng Pilantik. Sa e-mail naman ni Mr. Rey Lim, sabi’y

Salamat uli sa inyo Kaka. Kasama n’yo kami sa malayang pamamahayag. Pagpalain ka, Kaka.

Maraming salamat po.

Mang Rey, marahil may nakatanim pa sa inyong alaala ang tungkol sa pork barrel. Paano at kailan nagsimula? Marami sa mga katulad kong nasa middle age ngayon ang hindi alam ang kasaysayan 50 years ago. Sana bahaginan mo po kami ng inyong nalalaman, pati ang tungkol sa Yellow Ribbon na palaging nasa kaliwang bahagi ng dibdib ni PNoy?

Maraming probisyon po sa Konstitusyon ng Pilipinas ang hango mula sa US Constitution, kaya mula pa noong magkaroon ng kasarinlan ang Pilipinas, mayroon nang pork barrel. Iniiba lang ang titulo. Basahin po ang Katas tungkol sa inyong nais malaman.

Pilipinas

Maliwanag ang mensahe ng Million People’s Rally sa Luneta noong ika-26 ng Agosto at 11th September, EDSA Tayo. Kung magpapatuloy ang mga protesta, maaaring tuluyang mawala ang tiwala ng mga taong nagluklok kay Noynoy sa Malacañang.

Ang biglang pagtawag ng cabinet executive session noong ika-4 ng Setyembre ay halata ang pagkabahala ng gobyernong Aquino. May kasabihang “Sa maliit na apoy nagmumula ang malaking sunog.”

Dagdag ang alegasyong kinukunsite ni PNoy ang corruption ng kaniyang relatives. Pinipiga ang karaniwang ehemplo ng masa tulad ng mga magsasaka sa Hacienda Luisita.

Dahil sa nangyaring Zamboanga City siege, lumabo ang dating malinaw na plano sa peace process for Mindanao. Binale-wala kasi ng gobyerno ang MNLF ni Nur Misuari. Hindi sinama sa usapan.

Nakakahiya at nakakatawa ang nabigong trip ni PNoy sa China noong nakaraang ika-3 ng Setyembre. Hindi naman pala siya imbitado sa Nanning Trade Fair, eh, gustong pumunta.

Nakakalungkot na ang China ay patuloy ng pang-aapi sa Pilipinas. Wala namang magawa ang gobyernong Aquino kundi magprotesta.

Si Janet Lim-Napoles ang tinuturing na leading lady ng drama sa pork barrel scam. Naging kaduda-duda ang paraan ng pagsuko kay PNoy. Special treatment. Si DoJ Sec. Leila De Lima ay nagmistulang bulag at bingi. Nalaman na lang niya nang si Napoles ay ihahatid na ni Noynoy at Mar Roxas sa Camp Crame.

Kung pinapunta muna ni PNoy sa Palasyo ang mga hepe ng NBI, hindi sana nainsulto si Nonnatus Rojas kaya nagharap ng irrevocable resignation. May delicadeza si Rojas. Si De Lima, ewan.

Anong klaseng pangulo mayroon ang Pilipinas? Matapos insultohin si Rojas sa pamumuno ng NBI, pinuri nang hindi mapigil magbitiw sa katungkulan. Mauubos nga ang mga opisyal na may delicadeza sa ilalim ng kaniyang pamamahala. Ang matitira ay mga katulad ni Biazon ng BoC.

Ang listahan ng mga donasyong cash ni Napoles marahil ay makuha na ng nasa Malacañang. Makikita kasi doon ang halaga ng mga donasyong nagamit sa 2010 presidential at Congressional and Local elections noong nakaraang Mayo.

Si Edwin Lacierda na presidential spokesman ang nakipagtagpo muna kay Janet at sa sementeryo pa bago dinala sa Palasyo. Bakit? Para ba diktahan ng kung sino-sino ang ididiin sa scam? Halata na ngayon. Ang mga makakalaban sa darating na eleksiyon.

Posibleng magpatuloy nga ang pagdausdos ng popularity ni PNoy na nabalitang nagsimula may 12 buwan na ang nakakaraan. Sinisikap ng Malacañang na maharang ang marami pang mga kilos protesta na maaaring maganap.

Ang layunin ng EDSA Tayo noong September 11 ay kaparis din daw ng Million People Rally sa Luneta noong ika-26 ng Agosto. Kung hindi man lahat, marami nang supporters ni PNoy ang naghahangad ngayong mawala na rin ang about one trillion pesos na grease money ng pangulo para masunod ang kaniyang kapritsong bengatibo.

Nagparamdam ng galit ang milyon-milyong OFWs. Nakiisa sa protesta. Dineklarang “Zero Remmitance Day” ang ika-11 ng Setyembre. Salamat sa social media. Nalaman nila kung papano winawaldas ang mga remmitances na pera sa Pilipinas, na pawis at dugo ang kanilang pinuhunan.

Walang magandang larawan na maipipinta sa bansa ang lumutang na corruption from pork barrel. Dahil sa ginaganap na imbestigasyon, ang legislative and executive institutions ng gobyerno ay magiging kawangis ng lantang gulay. Lalong lalakas ang magiging sigaw ng mga mamamayan sa pagbabago.

Katas

Halaw from the about 50 year-history of Pork Barrel and Yellow Ribbon sa Pilipinas.

Sa halos huling 8 years of the 21years of Marcos administration, napuna ng liderato na kahit may padulas ang mga kongresista at senador, nauubos lang sa debate ang panahon at taxpayers money. Halos walang magandang resulta para sa kapakanan ng marami but only for the few rich people. Nagdeklara ng Martial Law si Marcos noong 1972, kaya nawala ang kongreso at ang pork barrel nito.

About three years sa panahon ng Bagong Lipunan, nagkaroon ng desiplina ang mga tao. Subali’t lumaon ay inabuso ng matataas na opisyal ng AFP. Hindi napigilan ng liderato ang “major and general problems” sa gobyerno. Naluma ang Bagong Lipunan. Naghingalo, tuluyang namatay, kasunod ng pagkakapaslang kay Sen. Ninoy Aquino. Nangyari sa tinagurian ngayong Ninoy Aquino International Airport (NAIA)

Naglunsad si Tita Cory ng protestang-bayan na ang simbulo ay Yellow Ribbon. Ginamit ng LP ang kulay dilaw sa kampanya laban sa nakaupong Marcos government. Dayaan sa eleksiyon. ang pangunahing sinangkalan sa rebelyon against Marcos nina Juan Ponce Enrile, Fidel Ramos at Greg Honasan ng RAM at mga kasama. Ang ina ni Noynoy ang inupong presidente ng Aquino Revolutionary Government.

Muling nagkaroon ng Kongreso with the pork barrel. Ang karneng baboy ay nagamit din sa panahon nina president Ramos, Estrada at Macapagal-Arroyo. Kasama ang pangkat ng Yellow Ribbon ni Tita Cory sa mga nagpalayas kay Erap sa Malacañang. Nadadagdagan ang pork barrel sa loob ng nine years ng Gloria administration. Congressman ng Tarlac noon si Noynoy na nabigyan ng pork barrel.

Ang Yellow Ribbon group ay kumalas sa Lakas-NUCD nina Arroyo at Ramos noong 2004 nang mabunyag ang “Hello Garcie, I am sorry” ni Gloria sa eleksiyon. Halos kumupas ang kulay dilaw nang sumilang ang Black & White Movment nina Drilon, Soliman, Abad at mga kasama.

Bilang ala-ala sa kaniyang mga yumaong magulang, nilagay sa dibdib ni Noynoy ang Yellow Ribbon sa panahon ng kampanya for president noong 2010. Kasamang namayagpag ang Yellow Media nang mahalal na presidente si Noynoy. Lalong lumobo ang pork barrel sa nakaraang halos three years ng gobyernong Aquino.

Ganmit ni PNoy ang karneng baboy sa pagpapatalsik kay CJ Renato Corona sa Korte Suprema. Nabalitang nagamit din ng Team PNoy sa Congressional and local elections noong nakaraang Mayo.

Ngayon ang liderato ng Yellow Ribbon ay may one-trillion pesos pork barrel na pinag-iinitan ng mga nagprotesta sa Luneta at sa latest na EDSA Tayo.

Inutos sa kaniyang mga kakulay na nagsitanggap din ng pork barrel, na imbestigahan ang mga kalaban sa politika na katulad nilang may pork barrel. Punterya ang demolition campaign laban sa mga makakalaban ni Mar Roxas na may malaki ding hawak na pork barrel na magagamit sa 2016 presidential elections.

Ending ng estorya, dahil sa pork barrel, a weak minded leader can be a very powerful dictator. Magnanakaw galit sa kapuwa magnanakaw.

Have a comment on this article? Send us your feedback

Oktubre 1-15, 2013

Ni Paquito Rey Pacheco

Kailangan na bang magpalit ng mayor ang Winnipeg? May apat nang aspirante. Hindi pa rin nagsasabi si Mayor Katz kung maghahangad ng pagkandidato. Sabagay, medyo maaga pa. About 2-years pa ang civic elections.

Nasaksihan ko ang Outreach program sa Winnipeg noong nakaraang huling linggo ng Setyembre. Higit na maayos kumpara sa mga nakaraan. Salamat sa malaking pagbabago.

Feedback

“Kaka, hanggang ang mga pulitikong makakapal ang mukha ay hinahalal ng mga tao, wala silang karapatang magreklamo,” sabi ni Mr. Enrico. Opo naman, pero nabibilang ba nang wasto sa COMELEC ang boto ng mga tao? Hindi yata.

“Tungkol sa zero remmitances Day, sino ang nagwawaldas ng mga remmitances ng mga OFW? Asawa ng OFWs o gobyerno? Pakilinaw nga po.”

Asawa din po, kaya sanhi ng hiwalayan. Gobyerno po naman ang super taga-waldas. Salamat G. Romulo Tangonan sa e-mail mo.

“Kaka sino ka ba? Puwede ipaalam ibang karanasan mo po sa trabaho?” – Ernie Batang Saudi.

Naku, hindi lang po kayo ang naghahangad. Kulang ang isang isyu ng Pilipino Express kahit mga retaso lang ng aking karanasan ang nilalaman. Bayaan po ninyo baka makaisip ako kung paano mapaunlakan ang iyong kahilingan.

(Mula sa patnugot: Mababasa ang ilang detalye tungkol sa career ni Paquito Rey Pacheco sa dulo ng pitak na ito.)

Pilipinas

Nakatakdang bumisita sa Pilipinas si US President Barack Obama sa ika-11 at 12 ng Setyembre.

Ang relasyon ng Pilipinas at US ay lalong titibay, ayon sa mga nasa Palasyo. Yes, the visit may improve the relations between Manila and Washington, but the Philippine-China relations? Ang pangyayari ay may anino ng kaguluhan laban sa katahimikan ng rehiyon.

Patuloy ang serye ng mga protesta against pork barrel ng gobyernong Aquino. Laganap na ang kilusan pati sa mga Unibersidad ng Pilipinas, US at iba pang komunidad ng mga Pinoy sa ibayong dagat.

May protesta pa rin laban sa nilulutong muling magkaroon ng base militar ang mga Kano sa Pilipinas. Ang kilos protesta ay minemenos naman ng mga nasa payong ng gobyernong dilaw.

Hindi more fun. Kaguluhan ang nangyayari ngayon sa Pilipinas. Hindi kayang mapagtakpan ng yellow media ang kahinaan ng gobyerno sa pagkakaloob ng wastong sulusyon sa mga problema.

Nangingiti lang ang mga kongresista kaugnay ng lumutang na planong impeachment kay PNoy. Malabong mangyari. Dominante sila sa Kongreso, katulad noong panahon ni Gloria. Babaha na naman ang Karneng Baboy.

Maliwanag na binaboy ni Senate President Frank Drilon ang kapangyarihan ng senado nang atubiling ipatawag si Janet Lim Napoles sa ginagawang imbestigasyon ng Blue Ribbon Committee. Sa mata ng publiko, may itinatagong baho na ayaw maamoy.

Mismong mga kasama sa Team PNoy na sina Senador Chiz Escudero at T.D Guingona III ang unang pumalag. Sinabi ni Sen. Koko Pimentel na baka si Drilon ay malaglag sa kaniyang kasalukuyang upuan.

Anong klaseng lider daw ang nagsasabi sa mga tao na kayo ang boss ko. Sa loob ng nakaraang tatlong taon ay lalong dumami ang busabos at naghihirap. Lumapad din ang agwat sa pagitan ng ilang mayayaman at milyon-milyong hikahos ang buhay.

Ang bilyones ng Malampaya funds ay nagagamit na rin ng gobyernong Aquino. Bakit hindi binubusisi? Ang isang constitutional agency ng gobyerno tulad ng COA ay hawak na rin ba sa leeg ng pangulo?

Nadagdagan ang problema ng gobyerno sa Mindanao tungkol sa peace and order. Ang krises na nagmula sa Zamboanga City ay lumaganap na. Ang guerrilla warfare ay mahirap labanan. Nananahimik na mga mamamayan ang nadadamay. Nahalata ang kahinaan ng gobyerno.

Tungkol sa Karneng Baboy scam, si Budget secretary Florencio “Butch” Abad ay inabsuwelto agad ni PNoy. Wala daw kinalaman. Sana totoo. Teka, hindi ba si Mr. Abad ay naging budget secretary din noong panahon ng Gloria Arroyo administration? Siya rin ngayon ang DBM secretary ng Aquino administrasyon. Good or Bad precedent?

Inamin ni Sen Jinggoy Estrada na siya ay isa sa mga senador na tumanggap ng 50 million pesos incentives sa pagpapatalsik kay former CJ Renato Corona sa Korte Suprema. Kung may tinaguriang Reyna ng Pork Barrel scam, may King legislative corruptor na raw ngayon, ayon sa mga kritiko.

Sa kaniyang pasabog na diskurso noong ika-25 ng Setyembre, si Jinggoy ay nagmistulang whistle-blower ng Pork Barrel scam. May 356 na kongresista at 15 senador daw ang nasa report ng COA. Silang tatlo lang nina Enrile at Revilla ang pinili. Selective justice is injustice, sabi niya.

Naglahad pa ng ibang mga paratang na sila’y nahatulan through publicity. Ang epekto ng maling paratang ay waring malalim na sugat ng gobyerno na nilagyan ng asin. Mahirap makalampas sa mata ng local and international social media ang negatibong epekto.

Katas

Sanhi sa nabulgar na Pork Barrel scam, nawawalan na ng tiwala ang mga mamamayan sa Legislature and Executive departments ng gobyerno. Nakasalang na sila ngayon sa parilya ng kahihiyan.

Noong ika-20 ng Setyembre, sa radio program ni Arnold Clavio sa DZBB, binulgar ni Nanay Lolit Solis, “ang kaniyang minamahal na Janet Lim-Napoles ay nakakalabas pala sa Fort Sto. Domingo, Sta Rosa, Laguna. Nakakaligo sa kaniyang bahay sa Alabang.”

Binanggit din na noong December 2009 si Executive Secretary Jojo Ochoa ay tumawag kay Janet, humihingi ng campaign funds para sa kandidatura ng noo’y Senador Benigno S. Aquino III. Tanghali naman noong ika-20 ng Agosto, 2013 sabi ni Nanay Solis, tumawag sa kaniya si Janet na umiiyak. Sabi’y “bakit mo binanggit ang tungkol kay Jojo Ochoa? Naku magagalit si PNoy. I-retract mo Nay.”

Sa column naman ni former Sen. Kit Tatad sa Manila Standard Today noong ika-28 ng Agosto, dinetalye na ayon sa kaniyang reliable source na malapit sa administrasyon, 10:30 a.m daw nang sunduin at ihatid ni Presidential spokesperson, Edwin Lacierda si Napoles and lunch with PNoy sa Music Room ng Palasyo. Si Janet ay wanted pa noon sa hustisya at nasa palasyo na nang si PNoy ay nagpalabas ng pabuya para madakip si Janet. Umalis sa Palasyo nang 4:30 p.m. kasama si Lacierda at bumalik silang dalawa 8:06 p.m. kung kailan nangyari ang formal surrender ni Napoles kay PNoy, 9:27 p.m.

According to Lacierda, pawang kasinugalingan ang mga binulgar nina Nanay Solis at Tatad. Sana nga, subalit kung totoo, may karangalan at kabutihang-asal pa bang masasandalan si PNoy to stay sa Palasyo gayong siya mismo ang bumaluktot sa kaniyang daang matuwid? Ano sa palagay ninyo?

Have a comment on this article? Send us your feedback

Oktubre 16-31, 2013

Ni Paquito Rey Pacheco

Sa ika-17 ng kasalukuyang buwan, nakatakda ang kombensiyon para pumili ng magiging leader ng Manitoba Liberal Party. Nabanggit ang mga pangalan na interesado: Bob Axworthy, Rana Bokhari at Dougald Lamont.

Nakabangon na ang mga Liberal sa Nova Scotia. Dito sa Manitoba, baka bumilang pa ng maraming taon.

Matigas ang paninindigan ng Republican-led Congress against Obama’s budget. Ang panukala bukod sa pagiging anti-abortion, because of financial capabilities. Eh, saan nga ba napunta ang malaking perang inutang sa China?

Damay ang Canada sa negatibong epekto ng US Government Shutdown. Manufacturing of export products and unemployment ang tinatamaan. Parang “sakit ng katawan, ramdam hanggang kalingkingan.”

Pilipinas

Ipinagbunyi ng sambayanang Filipino ang pagka-panalo ni Megan Young sa 2013 Miss World pageant. Sabi ni VP Jojo Binay, “Simbolo ng kandilang pag-asa ng mga Pinoy.” Oo nga naman. Subali’t tungkol sa Pork Barrel scam, di ba parang kandilang unti-unting nauubos dahil sa suhol?

May mga puti na nakakalaro ko sa Taylor Tennis Club of Winnipeg ang nagtanong sa akin. “Rey, what’s happening in your country? Having corrupt legislators and a leader as number one corruptor?” Napapayuko na lang ako.

Dahil sa Internet, hindi makakaligtas sa mata ng buong daigdig ang mga nangyayari sa Pilipinas ngayon. Nakakahiya. Tayong may mga dugong-Pinoy ang nalalatayan. May moral pa bang sandigan para manatili sa katungkulan ang mga makakapal ang mukha?

Wala pang malinaw na kasunduan ang Malacañang at Washington tungkol sa isyu ng more US Forces presence sa Pilipinas. Kung ang hangarin ay mabantayan lamang ang daanan ng mga kargamento, italaga na lang ang Seventh Fleet ng US sa China Sea.

Bukod kay VP Binay at Mar Roxas, may lumulutang nang mga pangalan na probable candidates. Ang negosyanteng Manuel V. Pangilinan ay isa sa mga nabalitang probable dark horse candidates for president or vice President.

Sinangkalan na naman ang mga mahihirap sa malaking budget for 2014 na kargado ng pinalaking Pork Barrel at discretionary funds ni PNoy. Ang karneng baboy ay protektado ng batas. Kongreso lamang na nasusuhulan ang maaaaring magpanukala ng batas na magpapawalang-bisa sa PDAF. Kailangan din ang pirma ng presidente.

Naglubid na naman ng buhangin si PNoy sa APEC meeting na ginanap sa Bali. Maganda na raw ang kabuhayan ng Pilipinas. Binuking naman ng IBON independent think-tank. Hindi raw dapat paniwalaan ang Moody’s projections. Nabibilang sa daliri ang mayayaman kumpara sa milyon-milyong patuloy na naghihirap sa buhay.

Sabi ni PNoy, bakit daw siya tinawag na Pork Barrel King? Sir, may Reyna na po kaya mayroon ding Hari. Nasira na po kayo sa isyu ng corruption.

Binale-wala ng Palasyo ang babala ni former Senator Ping Lacson na posibleng ang isyu ng PDAF ay maging dahilan sa pagbagsak ng gobyernong Aquino. Ang mensahe ay parang sweet and sour sauce para sa pork chop.

Sabi ni Senadora Miriam, hindi lang “more fun in the Philippines” ngayon, but “more funds” sa bulsa ng mga kongresista, senador na kabilang din siya at mga nasa ng Palasyo.

“Zamboanga conflict is over!” sabi ng mga nasa Malacañang. Ayon sa MNLF, “press release” lang daw. Tila nga, kasi magulo pa rin sa Mindanao. Tuloy ang barilan. Namamatay ang mga sundalo at tauhan ng MNLF. Nadadamay pati ang mga sibilyan.

Ang serye ng mga protesta ngayon vs. pork barrel ay isang wake-up call para sa kasalukuyang Yellow administration. Huwag menosin. Baka mabaling sa ibang isyu, eh, manunong-kawayan ang gobyernong Aquino.

Malabong mangyari ang panawagan ni Sen. Miriam na si DBM Secretary Butch Abad ay mag-resign. Paborito ni PNoy. “Hindi pa inuutusan, eh, sumusunod na.”

Fall season na rin ng mga politiko sa Pilipinas. Naglalaglagan na ang mga dahon mula sa punong dilaw. Si former Senator Kiko Pangilinan ay ayaw nang tumanggap ng puwesto sa gobyerno. Iba na rin ang body language ni Ping Lacson. Binatikos ang mga nagbibigay ng maling payo kay PNoy. Abangan ang galaw nina Ralph Recto, T.D Guingona at Koko Pimentel.

Ang People’s Initiative ay nasa Konstitusyon. Maganda sa papel, subali’t mahirap magtagumpay. Masalimuot ang proseso. Sakali mang mangyari, maaaring ang susunod na administrasyon na ang magpapatupad.

Katas

Ano na nga ba ang nangyaring nakatawag ng pansin ngayon sa Pilipinas? Lalong nadagdagan ang mga mahihirap dahil maraming kurap.

Nahahalungkat ang makapal na basura ng corruption sa ibabaw ng tuwid na daan ng gobyernong Aquino.

Independent and social media ang nagsindi ng maliit na apoy ng mga protesta na maaaring maging malaking sunog.

Nabunyag na kasi sa mga tao kung papaano binubulsa ng mga nasa kongreso at Palasyo ang pondo na dapat maukol sa kabuhayan ng karaniwang mamamayan.

Si PNoy ay tinuringang corruptor – not only of legislators but also of officials from government’s independent insitutions.

Ayaw nang patulan ng mga tao ang paninisi ni PNoy sa hinalinghang administrasyon na sanhi daw ng nangyayaring kurakutan ngayon sa kaniyang gobyerno.

In short, ang mga tao ay napaniwala ni Jinggoy, na katulad niya, pare-pereho silang magnanakaw. Bakit sila lang na mga nasa oposisyon ang kinakasuhan ng mga kapuwa rin nilang magnanakaw?

Politika ang motibo. Mapaparalisa ba ang kampo ni VP Binay before the 2016 presidential elctions?

Have a comment on this article? Send us your feedbac

Nobyembre 1 -15, 2013

Ni Paquito Rey Pacheco

Si Rana Bokhari, isang abogada, ang napiling bagong Manitoba Liberal Party leader. Bata at ang kaunaunahang South Asian na party leader sa Manitoba. Sa loob ng susunod na two years from now, masusubukan ang kaniyang kakayahang mapalakas ang kanilang partido.

May political earthquake sa City Hall ng Winnipeg. Inuuga ang liderato ni Mayor Sam Katz tungkol sa fire-paramedic station replacement program. Tatlong konsehal ang nanawagang bakantehin ng mayor ang upuan.

Sa Parliament Hill ay gayon din. Senate expenses scandal naman ang isyu. Ang collateral damage ng gobyernong Harper ay si Senator Wallin. Hati naman ang Conservatives sa kontrobrsiya.

US 17-day government shutdown ended with bipartisan approval by both houses of Congress and Senate. Gayon man, head-on collision pa rin ang Democrats and Republicans. Politika at pera ang dahilan.

Pilipinas

Akala ko, si PNoy ay nag-aral ng economics. Si Gloria ang kaniyang professor. Kapuwa nila nakalimutang agriculture is the foundation of industrialization. Kabuhayan ng mga naninirahan sa mga rural na lugar ng bansa ang dapat unang pinatatatag. ’Yon ang kanilang pagkukulang.

Sabagay, lumaki nga pala sila sa tahanang may “kutsarang-ginto.” Nawala sa isip na ang malaking bahagi ng populasyon ang umaasa sa pagbubungkal ng lupa na pinagkukunan ng ikinabubuhay, magpapatatag ng pamilya, makapagpaaral ng mga anak at magkaloob ng iba pang hanap-buhay.

Napapanood sa television ang nakagigimbal na kalagayan ng mga Boholano sanhi ng naranasang lindol. Nagmamakaawa, walang pagkain at tubig, samantalang binubulsa ng mga politiko sa Kongreso ang pera at pilit tinatakpan ng mga kaalyado ng palasyo ang corruption sa gobyerno.

Nabanggit ko na noon at uulitin ko. Magpapatuloy ang pagdausdos ng popolaridad ni PNoy kung hindi mababago ang kaniyang estilo. Manhid sa panawagang alisin ang pork barrel. Posibleng maging sanhi ng kusang pagbagsak ng kaniyang gobyerno.

Binansagan siyang Pork Barrel King. Boy Sisi, Pigheaded lider, Congressional and Judicial corruptor. Kahit ang strongman Ferdinand Marcos noong kaniyang kapanahunan ay hindi nagawa ang katulad ni PNoy na suhulan ang mga kagawad ng kongreso, makuha lang ang kaniyang gusto.

Wala raw politika ang nakaraang medical and dental mission ng Iglesia ni Cristo na dinaluhan ng mahigit isang milyong tao? Maraming hindi naniniwala. Sabi nga ni Miriam, bobo kung hindi mo naiintindihan ang message ng Iglesia Ni Cristo.

Nakakahiya na sa buong daigdig ang malawak na corruption ngayon sa Pilipinas. Sa ibang bansa nagbibitiw ang mga lider. Ang iba ay nagpapakamatay dahil sa kahihiyan. Onli in da pilippin makakapal ang mga mukha ng mga pangunahing opisyal ng pamahalaan.

Sa nakaraang pagtitipon ng Foreign Correspondents Association of the Philippines, sinisi na naman ni PNoy ang local media. Pinasaringang tumatanggap ng pa-buya kaya lumalabas ang paninira sa kaniyang pamamahala mula daw nang makasuhan sina Enrile, Revilla at Estrada.

Naku, hindi yata alam ni Noynoy na ang serye ng mga protesta na ibinabalita ng local media ay tungkol sa pork barrel na ayaw niyang bitiwan? Mr. President, gising. No way for a financial dictator. Nagpapaalala sa mga tao na sa gobyernong demokrasya, the rule of law is for the people and by the people.

Ang walang kibong hepe ng Presidential Communication Office, Sonny Coloma ay pinakiusapan daw tumutulong na ngayon para mapigil ang pagdausdos ng popularity ni PNoy. Sina Lacierda, Valte at Carandang ng Balay group ay para namang patay-malisya.

Ang lumalabas na mga balita tungkol sa DAP ay constitutional or unconstitutional. Nawala sa radar ng media ang higit na mahalagang isyu. Ang pera ay nagamit sa panunuhol, sa halip na sa kapakanan ng mga naghihirap na mamamayan.

Si PNoy ay binastos ng Hong Kong journalists sa nakaraang APEC meeting sa Bali. Aba, magingat na siya sa pakikipanayam with foreign media members. Baka maulit ang ginawang pambabato ng sapatos kay former US president Bush.

Kapuwa raw nasa kongreso at Office of the President ang mga kliyente ni Janet Lim Napoles. Ang imbestigasyon ng senado, ayon sa mga kritiko is not in aid of legislation but in aid of higher political ambitions ng mga magnanakaw ng tax-payer’s money.

Ang senaryo ay hanggang sa maging pure entertainment na lang ng mga tao. Nakakulong ang reyna. Pababayaan ba ng haring ayaw bitawan ang karneng baboy. Nabansagang tuloy na ang kahulugan ng partido ni PNoy na LP ay Lapiang Pork.

Pinaghahandaan na ang 2016 National elections. Si Mar Roxas ang kandidato ni PNoy for president. Halatang ang mga interesado sa pagka-VP ay sina Chiz Escudero, T.D. Guingona at Allan Peter Cayetano.

Ang posisyon ni Senate President Frank Drilon ay nanganganib sakaling magkaroon ng re-alliance of political parties one or two years mula ngayon. Apat lang sila sa LP. Drilon, Recto, T.G. Guingona at Bam Aquino.

Dahil sa Pork Barrel drama nawala na rin sa radar ng media ang binunyag ni Czech Ambassador Rychtar na alegasyong kickback sa MRT-3. Naku, pag nabuklat, ang karagdagang baho ng DAP ay tiyak na mangangamoy.

Katas

Political ang halos lahat ng mga imbestigasyon ngayon at sa susunod na dalawang taon. Hinahanda na ang kampanya for the 2016 presidential elections.

Isang dahilan kaya hindi mabitiwan ni PNoy ang Pork Barrel. Layong masungkit muli ng Liberal Party ni PNoy ang Executive department ng gobyerno.

Pangunahing pambato ay si Mar Roxas. Bayad-utang sa pagbibigay daan kay Noynoy noong 2010 elections. Chiz Escudero ang malamang ka-tandem.

Si VP Jojo Binay naman ang pambato ng UNA for President. Sa pagka-vice ay maaaring si Jinggoy at Loren.

Kung may third party, malamang mag-tandem sina Bong Revilla at Bombong Marcos. Sino man sa dalawa ang sa pagka-pangulo. Si Revilla ay pambato ng Southern Tagalog region na may 10 million voters. Ang Marcos naman ay tanyag sa Ilocos Region.

Dark horse for president ang negosyanteng Manuel V. Pangilinan - Grace Poe tandem.

Have a comment on this article? Send us your feedback